ទស្សន៍ទាយជោគវាសនាការងារ លុយកាក់ ស្នេហានិងពណ៌នាំលាភនាំជ័យ ប្រចាំខែធ្នូតាមថ្ងៃកំណើត
អ្នកកើតថ្ងៃអាទិត្យ
ការងារ - ហិរញ្ញវត្ថុ៖ អ្នកនឹងជួបមនុស្សល្អនៅនឹងមុខ តែក្រោយខ្នងចេញចរិតផ្សេង ឬប្រហែលជួបអ្នកក្បត់ក្នុងរឿងការងារ អាចឈ្លោះគ្នាដល់ចំណុចបែកបាក់ បើនិយាយពីរឿងលុយកាក់ជោគវាសនា នឹងមានឱកាសទទួលបានប្រាក់ច្រើន ឬទ្រព្យសម្បត្តិមានតម្លៃមួយចំនួន។
អ្នកនៅលីវ៖ មានឱកាសបញ្ចេញភាពទាក់ទាញ ពិនិត្យមើលការវាយតម្លៃផ្ទាល់ខ្លួន មានឱកាសទៅណាត់ជួបជាមួយនរណាម្នាក់ ។
អ្នកមានគូ៖ មនុស្សជុំវិញអ្នកព្យាយាមធ្វើឱ្យដៃគូរបស់អ្នកយល់ច្រឡំ ប៉ុន្តែគេមិនអាចបំផ្លាញចំណងស្នេហ៍របស់អ្នកជាមួយដៃគូបានទេ។
អ្នកកើតថ្ងៃច័ន្ទ
ការងារ - ហិរញ្ញវត្ថុ៖ ត្រូវធ្វើការជាមួយមនុស្សច្រើន ឬមានគម្រោងថ្មី នេះជាឱកាសដ៏ល្អមួយដើម្បីបង្ហាញជំនាញរបស់អ្នក ដូច្នេះត្រូវយកចិត្តទុកដាក់ ចំណែករឿងលុយកាក់វត្ថុអាចអស់ទៅលើការកម្សាន្ត ឬសម្រស់។
អ្នកនៅលីវ៖ អ្នកនឹងបានជួបស្នេហាជាមួយអ្នកដែលក្មេងជាង តែគេមានចរិតល្អគាត់មានភាពចាស់ទុំជាងអាយុ។
អ្នកមានគូ៖ អ្នកណាដែលធ្លាប់មានជម្លោះជាមួយដៃគី នឹងចាប់ផ្តើមយល់ចិត្តគ្នាវិញ ។
ពណ៌នាំសំណាង៖ បៃតង
អ្នកកើតថ្ងៃអង្គារ
ការងារ - ហិរញ្ញវត្ថុ៖ នឹងមានស្ត្រីពេញវ័យមកជួយការងារ វាកាន់តែងាយស្រួលក្នុងការធ្វើអ្វីទាំងអស់ លើសពីនេះអ្នកទំនងជាទទួលបានដំណឹងល្អដែលកំពុងរង់ចាំ ចំណែករឿងលុយកាក់អ្នកនឹងបានមិត្តល្អមកជួយអ្នក និងណែនាំពីផ្លូវអាជីព។
អ្នកនៅលីវ: លែងនៅលីវទៀតហើយ! នឹងមានអ្នកនិយាយជាមួយ រង់ចាំទទួលនិងជូនទីនេះទៅនោះ។
អ្នកមានគូ៖ រស់នៅជាមួយគ្នាយល់ចិត្តគ្នាណាស់ ទោះបីជាដៃគូរបស់អ្នកមិនសូវមានពេលសម្រាប់អ្នក ប៉ុន្តែអ្នកមិនបានរអ៊ូរទាំអំពីគាត់ទេ។
ពណ៌នាំសំណាង៖ ពណ៌ទឹកក្រូច
អ្នកកើតថ្ងៃពុធពេលថ្ងៃ
ការងារ - ហិរញ្ញវត្ថុ៖ នឹងទទួលបានដំណឹងល្អ ជំរុញអាជីពរបស់អ្នក មានឱកាសអភិវឌ្ឍទៅមុខ និយាយពីរឿងលុយកាក់ត្រូវប្រកួតប្រជែងដើម្បីផលប្រយោជន៍ជាមួយអ្នកដទៃ លើសពីនេះអ្នកអាចនឹងចាញ់ប្រៀបគេ ។
អ្នកនៅលីវ៖ ចៃដន្យ ទៅជំពប់ចិត្តលើអ្នកដែលមានសង្សារហើយ ពេលបានជួបគាត់ជាមួយគូស្នេហ៍មានអារម្មណ៍ខកចិត្ត។
អ្នកមានគូ៖ អ្នកចាប់ផ្តើមគិតថាពេលខ្លះចង់នៅម្នាក់ឯង ដូច្នេះមានពេលខ្លះអ្នកបែរជាចង់បែកជាមួយដៃគូទៅវិញ ។
ពណ៌នាំសំណាង៖ ប្រផេះ
អ្នកកើតថ្ងៃពុធ ពេលយប់
ការងារ - ហិរញ្ញវត្ថុ៖ អ្នកមានគំនិតថ្មីៗ និងមានការលើកទឹកចិត្តបន្ថែមទៀតក្នុងការធ្វើការ ដោយសារមេកើយយកចិត្តទុកដាក់លើអ្នកជាងមុន និយាយពីរឿងលុយកាក់អាចរកប្រាក់បានច្រើនផ្លូវ និងមានមនុស្សផ្តល់ឱកាសពិសេសឲ្យ ។
អ្នកនៅលីវ៖ បានជួបស្នេហ៍ថ្មីហើយ តែមនុស្សនៅជុំវិញខ្លួនជំទាស់ ដូច្នេះអាចមានទំនាក់ទំនងលួចលាក់ ។
អ្នកមានគូ៖ ទំនងជាមានរឿងខ្វែងគំនិតគ្នា ដោយសារតែគំនិតរបស់អ្នក។
ពណ៌នាំសំណាង៖ លឿង / ប្រើជាពណ៌ទាក់ទាញ វានឹងជួយបង្កើនសំណាង ទទួលបានទ្រព្យសម្បត្តិទនិងសំណាង។
អ្នកកើតថ្ងៃព្រហស្បតិ៍
ការងារ - ហិរញ្ញវត្ថុ៖ ប្រយ័ត្នមនុស្សព្យាបាទធ្វើឱ្យអ្នកមានទុក្ខ ដូច្នេះមិនគួរទុកចិត្តអ្នកណាដោយងាយទេ ក្នុងរឿងលុយកាក់អាចមានការចំណាយលើសុខភាព និងសម្រស់ ។
អ្នកនៅលីវ៖ នឹងជួបមនុស្សក្មេងជាងមកចែចង់ អ្នកនៅតែស្ទាក់ស្ទើរថាត្រូវបន្តឬអត់?
អ្នកមានគូ៖ ដៃគូរបស់អ្នកចូលចិត្តហួងហែង យកចិត្តទុកដាក់ខ្លាំងពេក រហូតដល់អ្នកធុញបង្កឲ្យមានការឈ្លោះប្រកែកគ្នា ។
ពណ៌នាំសំណាង៖ ក្រហម
អ្នកកើតថ្ងៃសុក្រ
ការងារ-ហិរញ្ញវត្ថុ៖ ត្រូវធ្វើដំណើរ ឬជួបមនុស្សច្រើននៅកន្លែងធ្វើការ ប៉ុន្តែវាក៏ជាឱកាសល្អសម្រាប់អ្នកក្នុងការបង្ហាញជំនាញរបស់អ្នកឱ្យបានពេញលេញ។
អ្នកនៅលីវ៖ មានឱកាសទៅលង់ស្នេហ៍អ្នកមានម្ចាស់ដោយចៃដន្យ ទោះដឹងក៏នៅតែមិនអាចកាត់ចិត្តបាន ព្រោះគេចូលចិត្តមកក្បែរអ្នករហូត ។
អ្នកមានគូ៖ ស្នេហាប្រែប្រួលពីមនុស្សពីរនាក់ ក្លាយជាស្នេហាត្រីកោណ ហើយទំនងជាមកតាមការអូសទាញរបស់អ្នកទៀត ។
ពណ៌នាំសំណាង៖ បៃតង
អ្នកកើតថ្ងៃសៅរ៍
ការងារ - ហិរញ្ញវត្ថុ៖ នឹងមានជុំក្រុមជាមួយមនុស្សថ្មី អ្នកអាចហត់នឿយប៉ុន្តែអ្នកមិនបាក់ទឹកចិត្តទេ ព្រោះមានការគាំទ្រពេញទំហឹងពីមេកើយ ផ្នែកលុយកាក់មិនសូវល្អប្រយ័ត្នលុយកាក់ហូរចេញ ព្រោះមនុស្សជុំវិញខ្លួនជាអ្នកបង្ក ។
អ្នកនៅលីវ៖ ជួបមនុស្សក្មេងជាងចូលមកចែចង់ តែអ្នកលួចបារម្ភថាស្នេហាខុសវ័យអាចមិនបានយូរ ។
អ្នកមានគូ៖ មានអារម្មណ៍មិនយល់ពីចិត្តដៃគូ ព្រោះអារម្មណ៍របស់គាត់ប្រែប្រួល ធ្វើឲ្យអ្នកចង់ចាកចេញពីគាត់ ៕
ពណ៌នាំសំណាង៖ ខៀវ
ប្រភព៖ Trueid/Knongsrok
ព័ត៌មានថ្មីៗ
