អត្ថប្រយោជន៍ដ៏មហិមារបស់ខ្ទឹមបារាំង ជួយដល់សុខភាពរាងកាយ!
ខ្ទឹមបារាំងជាទូទៅត្រូវបានគេប្រើប្រាស់ជាគ្រឿង សម្រាប់ដាក់ឲ្យអាហារមានឱជារសឈ្ងុយឆ្ងាញ់ ខណៈអ្នកខ្លះចូលចិត្តវា និងអ្នកខ្លះទៀតមិនចូលចិត្តវា ។ ខ្ទឹមបារាំងមិនមែនត្រឹមតែធ្វើឲ្យអាហារកាន់តែមានឱជារសនោះទេ តែវាក៏ជាបន្លែដែលធ្វើឲ្យអ្នក កាន់តែមានសុខភាពល្អផងដែរ។ ថ្ងៃនេះខ្ញុំនឹងលើកពីគុណសម្បត្តិរបស់វាមកជូនលោកអ្នកអោយបានដឹង ។ ខាងក្រោមនេះគឺជាអត្ថប្រយោជន៍របស់ខ្ទឹមបារាំងទាំង១០យ៉ាង៖
១. កម្ចាត់ជាតិពុល ៖ ទទួលទានខ្ទឹមបារាំងឆៅ នឹងជួយកម្ចាត់ជាតិពុល ដែលអាចបង្កឲ្យមានគ្រោះថ្នាក់ដល់ជីវិត ចេញពីក្នុងខ្លួនរបស់អ្នក។
២. ព្យាបាលមុន ៖ ចំពោះមុនកើតចេញមុនពេលជិតមករដូវ នោះទឹកខ្ទឹមបារាំងជាថ្នាំលាបមួយ ជួយធ្វើឲ្យមុនរាបយ៉ាងលឿន។ សមាសធាតុស្ពាន់ធ័រក្នុងខ្ទឹមបារាំង ពុំត្រឹមតែជួយប្រឆាំងបាក់តេរី យ៉ាងមានប្រសិទ្ធភាពប៉ុណ្ណោះទេ តែអាចទប់ស្កាត់ស្នាមមុន ត្រូវឆ្លងមេរោគ។ អ្នកជំនាញណែនាំអោយប្រើទឹកខ្ទឹមបារាំង លាយជាមួយទឹកក្រូចឆ្មារ និងបន្តក់ទៅលើមុន ក្រោយពេលអ្នកលាងមុខស្អាត។
៣. បំបាត់ជំងឺគ្រុន ៖ ការទទួលទានខ្ទឹមបារាំង មិនមែនត្រឹមតែធ្វើឲ្យអ្នកទទួលបានអត្ថប្រយោជន៍ចំពោះសុខភាពប៉ុណ្ណោះទេ តែប្រសិនបើអ្នកមានជំងឺគ្រុនជារឿយៗសូមយកខ្ទឹមបារាំងមួយចំណិត ដាក់នៅក្នុងស្រោមជើងរបស់អ្នក រួចពាក់វាពេលចូលគេង។ នេះគឺជាវិធីសាស្ត្រដ៏មានប្រសិទ្ធភាព ក្នុងការបញ្ចុះកម្ដៅក្នុងខ្លួនរបស់អ្នក អ្នកមិនចាំបាច់ទទួលទានថ្នាំពេទ្យឡើយ។
៤.ប្រឆាំងទប់ទល់មហារីក ៖ អ្នកអាចបន្ថែមខ្ទឹមបារាំងទៅក្នុងអាហារប្រចាំថ្ងៃ វាដូចជាអាវុធជួយសរីរាង្គបង្ការប្រឆាំងនឹងជំងឺមហារីក ការស្រាវជ្រាវច្រើនបង្ហាញថា សមាសធាតុប្រឆាំងអុកស៊ីតកម្មខ្លាំងក្លា ក្នុងខ្ទឹមបារាំង ជួយរារាំងការកកើតរ៉ាឌីកាល់សេរី ដែលជាមូលហេតុបង្កជាកោសិកាមហារីក។
៥. ព្យាបាលជំងឺបេះដូង ៖ ខ្ទឹមបារាំង ជួយធ្វើអោយសសៃឈាមស្តើង ការពារមិនអោយកោសិកាគ្រាប់ឈាមក្រហម បង្កើតជាដុំកំណកបាន។ ការកកស្ទះទាំងនេះ អាចធ្វើអោយបេះដូងអ្នកកើតមាននូវភាពមិនប្រក្រតី ឬ មានជំងឺសសៃឈាមបេះដូងបាន។
៦. ទប់ស្កាត់ជំងឺរបេង ៖ ថ្វីត្បិតវេជ្ជសាស្ត្រទំនើប ក៏មានវិធីព្យាបាលជំងឺរបេង តែខ្ទឹមបារាំងនៅតែត្រូវបានចាត់ទុកជាវិធីបូរាណមួយ ជួយបង្ការជំងឺរបេងយ៉ាងប្រសិទ្ធភាពបំផុត។ តាមពួកអ្នកវិទ្យាសាស្ត្រនោះដើម្បីបង្ការជំងឺរបេង យើងគួរបំពេញបន្ថែមទឹកខ្ទឹមបារាំងពី ១ ទៅ ២ មើម ទៅក្នុងអាហារប្រចាំថ្ងៃ។
៧. បន្សាបជាតិពិសរបស់សត្វល្អិត ៖ ទឹកខ្ទឹមបារាំង អាចជួយបន្ថយនូវការឈឺចាប់ ដែលកើតមានដោយសារឃ្មុំទិច ឬដោយ សត្វល្អិតផ្សេងៗ អ្នកអាចយកទឹកខ្ទឹមបារាំងស្រស់ និង ល្បាយរបស់វា លាបនៅលើផ្នែកខាងក្រៅ ។
៨.ជួយអ្នកជំងឺទឹកនោមផ្អែមបញ្ចុះជាតិស្ករក្នុងឈាម ៖ ខ្ទឹមបារាំងមានផ្ទុកសមាសធាតុ allyl propyl disulphide (PADS) ការស្រាវជ្រាវក៏បានបញ្ជាក់ផងដែរថា សមាសធាតុនេះ នៅក្នុងខ្ទឹមបារាំងល្អបំផុត សម្រាប់អ្នកជំងឺទឹកនោមផ្អែម។ជាក់ស្តែង គឺក្រោយពេលទទួលទានខ្ទឹមបារាំង នោះបរិមាណស្ករគ្លុយកូសក្នុងឈាម នឹងថយចុះលឿន ទន្ទឹមនោះពួកអ្នកស្រាវជ្រាវក៏វាស់បានបរិមាណអាំងស៊ុយលីន កើនឡើងយ៉ាងច្រើន៕
៩.ព្យាបាលអង្គែ ៖ ខ្ទឹមបារាំងមានសមាសធាតុស្ពាន់ធ័រ ទឹកខ្ទឹមបារាំង១កែវ អាចព្យាបាលអាការៈស្បែកក្បាលមានអង្គែបាន។ អ្នកអាចប្រើទឹកខ្ទឹមបារាំងម៉ាស្សាស្បែកក្បាលពី ១៥ ទៅ ២០ នាទីរួចលាងសម្អាតជាមួយទឹកឧណ្ឌៗ រួចកក់សក់ធម្មតា។
១០.ជំរុញអារម្មណ៍ផ្លូវភេទ ៖ ខ្ទឹមបារាំង ត្រូវបានគេរកឃើញថា វាអាចជួយដល់ការ បង្កើននូវ ចំណង់ផ្លូវភេទរបស់អ្នក។ វីធីប្រើប្រាស់ អ្នកអាចប្រើទឹកខ្ទឹមបារាំង ១ស្លាបព្រាបាយលាយជាមួយ នឹង ទឹកខ្ញី១ស្លាបព្រាពេញរួចទទួលទានវាពីរដង ក្នុងមួយថ្ងៃ ដើម្បីបង្កើននូវ ចំណង់ផ្លូវភេទ របស់អ្នក ។
ប្រភព៖ Lifehack
ព័ត៌មានថ្មីៗ
