ជ្រើសរើសទៀនមួយ ដើម្បីបំភ្លឺជីវិតអ្នកឲ្យដើរចំផ្លូវត្រូវ មុនថ្ងៃចូលឆ្នាំខ្មែរមកដល់
តាមរយៈទៀនដែលកំពុងបំភ្លឺឡើងទាំង ៥ ផ្សេងពីគ្នា ក៏សម្គាល់បញ្ហាបុគ្គលនីមួយៗផងដែរ។ Knongsrok តម្រូវឲ្យបងប្អូនធ្វើការជ្រើសយកមួយ ដើម្បីផ្ទៀងផ្ទាត់ចម្លើយខាងក្រោម តើត្រូវធ្វើអ្វី ដើរផ្លូវណា មុនថ្ងៃចូលឆ្នាំខ្មែរមកដល់ ហើយអ្នកអាចមានស្នាមញញឹម សម្រាកលំហែកាយដោយគ្មានទុក្ខសោកនៅចន្លោះថ្ងៃឈប់សម្រាកខាងមុខ?
ទៀនបំភ្លឺទី ១
អ្នកកំពុងចន្លោះប្រហោងនូវភាពជឿទុកចិត្តទាំងលើខ្លួនឯង និងមនុស្សជុំវិញខ្លួន។ ដើម្បីឲ្យគ្រប់យ៉ាងត្រលប់មករកភាពល្អប្រសើរវិញ អ្នកត្រូវដាស់អារម្មណ៍ខ្លួនឯង កុំឲ្យទន់ខ្សោយ កុំឲ្យឆាប់ខ្លាច ហើយត្រូវរឹងមាំឡើងនៅពេលប៉ុន្មានថ្ងៃបន្ទាប់នេះ។
ទៀនបំភ្លឺទី ២
អ្នកប្រហែលកំពុងមានការសោកសៅនឹងអ្វីដែលខ្លួនមាន គិតថាមានប៉ុណ្ណេះមិនគ្រប់ សឹងតែពេលខ្លះជិតដល់ចំណុច ១០ ហើយក៏មិនទាន់ស្កប់នោះដែរ។ ក្តីសុខពិតប្រាកដរបស់មនុស្សក្នុងលោកយើងនេះ មិនមែនស្ថិតនៅត្រង់ទ្រព្យ ស្ថិតនៅត្រង់របស់ដែលអ្នកកំពុងមាននោះទេ តែគឺត្រង់ចិត្ត ត្រង់ការគិត ត្រង់ការឲ្យតម្លៃនិងចេះរីករាយទៅតាមរបៀបដែលខ្លួនមាន។
ដូច្នេះពេលខ្លះក៏គួរសម្លឹងមើលទៅក្រោម ហើយប្រាប់ខ្លួនឯង លើកទឹកចិត្តខ្លួនឯង ថាការដែលបានឆ្លងការមកដល់ចំណុចនេះ គឺខ្លួនឯងពូកែហើយ។
ទៀនបំភ្លឺទី ៣
អ្នកហាក់ខ្វះភាពក្លាហាន ហើយដំណាក់កាលជីវិតពេលនេះ គឺត្រង់អ្នកមានទេពកោសល្យ តែអ្នកខ្វះភាពក្លាហាន មិនហ៊ានស្នើ មិនហ៊ាននិយាយ មិនហ៊ានធ្វើ ជាហេតុនាំឲ្យគ្រប់យ៉ាង ក៏មិនខុសពីចំណុច ០ ព្រោះគ្មានការចាប់ផ្តើមកើតឡើងផងនោះ។
ទោះអ្នកពូកែប៉ុណ្ណា ចេះប៉ុណ្ណា បើខ្វះប្រាស្រ័យទាក់ទងសុទ្ធសាធក៏ពិបាកដែរ ដូច្នេះចូរបន្ថែមភាពក្លាហានក្នុងការហ៊ានសួរ ហ៊ានស្នើទៅលើរឿងអ្វីមួយ ដើម្បីយកឱកាសនោះ បង្ហាញពីភាពខ្លាំងរបស់ខ្លួនឯងពិតប្រាកដ។
ទៀនបំភ្លឺទី ៤
អ្នកប្រហែលជាកំពុងជួបឧបសគ្គមួយត្រូវទេ? ពេលនេះ អ្នកហាក់ហត់នឿយខ្លាំងណាស់ សឹងតែលែងចង់បន្តទៅមុខ រាល់ដង្ហើមចេញចូលពោរពេញដោយភាពស្មុគស្មាញ ហើយក៏ពិបាកនឹងពន្យល់ទៅកាន់អ្នកដទៃឲ្យបានដឹង។
តែមិនអីទេ លើលោកនេះ ពេលខ្លះរឿងខ្លះត្រឹមខ្លួនឯងយល់ពីខ្លួនឯង គឺគ្រប់គ្រាន់ហើយ ខ្លួនឯងស្គាល់ពីខ្លួនឯង គឺសមល្មមនឹងអាចឲ្យអ្នកក្រោកឈរបានហើយ។ សម្លឹងមើលទៅឲ្យឆ្ងាយ ដាក់ចិត្តដាក់កាយសារឡើងវិញ ហើយត្រលប់មើលទៅក្រោយ ក៏អ្នកបានដើរអស់កាលជាយូរទម្រាំមកដល់ចំណុចនេះ អ៊ីចឹងសាកគិតលមើល បើបញ្ចប់ត្រឹមប៉ុណ្ណេះ គួរឲ្យសោកស្តាយដែរទេ ឬក៏ក្រោកហើយខំតែបន្តិច ចាំអ៊ុតមើលលទ្ធផលថ្មី?
ទៀនបំភ្លឺទី ៥
អ្នកកំពុងមើលរំលងមនុស្សល្អ ខ្មៅប្រែជាស ល្អប្រែជាអាក្រក់ ទៅលើជនមួយចំនួន។ សាកល្បងគិតឡើងវិញ រំឭកគ្រប់ទង្វើ គ្រប់ពាក្យសម្តី ដែលនិយាយទៅកាន់មនុស្សក្បែរខ្លួនមួយរយៈក្រោយនេះ ដើម្បីជៀសវាងវិប្បដិសារីទៅថ្ងៃមុខ។
ហើយក៏ត្រូវចាំថា មនុស្សសម្តីផ្អែម មនុស្សពូកែយកចិត្តអ្នក ហើយចេះតែគាំទ្រសម្តីអ្នកដោយគ្មានហេតុផលច្បាស់លាស់ ក៏មិនប្រាកដថាល្អទាំងអស់ដែរ ចូរប្រុងប្រយ័ត្នផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
