ភេសជ្ជៈ ៥ ផឹកពេលព្រឹកល្អ តែកុំលូកពេលយប់ ប្រយ័ត្នឡើងទម្ងន់ចាស់ជាងវ័យមិនដឹងខ្លួន
សម្រាប់ភេសជ្ជៈទាំង ៥ ខាងក្រោមនេះ ជាទូទៅវាអាចផ្តល់ប្រយោជន៍ជាច្រើនមកដល់រាងកាយរបស់យើង តែការទទួលទាននៅពេលល្ងាចឬពេលយប់ វាអាចបង្កផលប៉ះពាល់ទៅវិញ ពោលអាចនាំឲ្យឡើងទម្ងន់ និងវិវត្តទៅរកភាពចាស់ជាងវ័យជាដើម៖
៥) ទឹកដូង
ជាទូទៅវាមានជាតិផ្អែម ត្រជាក់ អាចបំបាត់ការស្រេកទឹក បន្សាបជាតិពុលក្នុងរាងកាយ ជារួំគឺល្អសម្រាប់បេះដូង ប្រព័ន្ធរំលាយអាហារ និងពង្រឹងប្រព័ន្ធការពាររាងកាយជាដើម។
តែយ៉ាងណាអ្នកមិនគួរទទួលទានទឹកដូងក្រោយម៉ោង ១០ យប់ទេ ព្រោះវាអាចធ្វើឲ្យក្រពះត្រជាក់ ធ្វើឲ្យអ្នកគេងមិនលក់ ដោយសារងើបនោមច្រើន។ ពេលវេលាល្អបំផុតគួរទទួលទានវានៅពេលព្រឹក។
៤) ទឹកក្រូចច្របាច់
វាមានជាតិអាស៊ីដខ្ពស់ រសជាតិជូរ ដូច្នេះមិនអាចទទួលទានតាមចិត្តចង់របស់អ្នកឡើយ។ តាមការណែនាំពីអ្នកជំនាញ អ្នកហាមទទួលទានទឹកក្រូចច្របាច់ក្រោយម៉ោង ១០ យប់ ព្រោះបរិមាណអាស៊ីដច្រើននៅក្នុងផ្លែក្រូច អាចបំផ្លាញស្រទាបធ្មេញពេលគេង ហើយវាបញ្ចុះទឹកនោមធ្វើឲ្យគេងមិនលក់។
ជាងនេះ នឹងធ្វើឲ្យរាងកាយលើសថាមពល ប្រមូលផ្តុំជាតិទឹកច្រើន ធ្វើឲ្យហើមពោះ និងប្រមូលផ្តុំជាតិខ្លាញ់ក្នុងពោះ បង្កឲ្យទៅជាលើសទម្ងន់ទៅវិញ ប្រសិនអ្នកទទួលទានខុសពេល។
៣) ទទួលទានភេសជ្ជៈវីតាមីន
ភេសជ្ជៈបំពេញវីតាមីន ពេលវេលាទទួលទានល្អបំផុតគឺនៅពេលព្រឹក ព្រោះនៅពេលយប់ វានឹងដាក់បន្ទុកលើក្រពះ ពោះវៀន ហើយធ្វើឲ្យរាងកាយមិនអាចស្រូបយកសារធាតុចិញ្ចឹមនោះពេញលេញ។
២) ភេសជ្ជៈកំប៉ុងមានជាតិស្ករ
គ្រោះថ្នាក់ខ្លាំងណាស់ ការទទួលទានភេសជ្ជៈប៉ូវកម្លាំង ឬភេសជ្ជៈមានជាតិកាបូន នៅពេលយប់។ ព្រោះវាអាចប្រមូលផ្តុំទៅដោយជាតិខ្លាញ់ បង្កើនហានិភ័យនៃការធាត់ លើសឈាម ខ្លាញ់ក្នុងឈាមខ្ពស់ ទឹកនោមផ្អែម និងជំងឺសរសៃឈាមជាដើម។ ជាងនេះការទទួលទានវាពេញពោះពេក នាំឲ្យគេងមិនលក់ ក៏ជាហេតុវិវត្តទៅរកភាពចាស់ជាងវ័យថែមទៀតផង។
១) ទឹកដោះគោសណ្តែក
ទឹកដោះគោសណ្តែកសៀង ១០០ ម.ល ដ្បិតបើមានត្រឹមតែ ៣០ គីឡូកាឡូរី តែអ្នកក៏មិនគួរទទួលទានវានៅពេលយប់ដែរ ព្រោះអាចរាំងស្ទះដល់ដំណើរការសម្រកទម្ងន់ សម្រាប់អ្នកចង់ស្រកទម្ងន់។ យកល្អគួរទទួលទានវានៅពេលព្រឹក ទើបល្អបំផុតទាំងសម្រាប់ការបំពេញថាមពលរាងកាយ និងផ្តល់សារធាតុចិញ្ចឹមផ្សេងៗ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
