ព្រឹត្តិការណ៍ទស្សនាកុនជុំគ្នាដ៏ធំនៅកម្ពុជា រៀបចំដោយ ពោតផ្ទុះ សហការជាមួយ Prime Cineplex មានកម្មវិធីពិសេសសប្បាយប្លែកដែលមិនធ្លាប់មានពីមុននៅកម្ពុជា
ភ្នំពេញ៖ ពិតជាពិសេសណាស់ សម្រាប់អ្នកដែលចូលចិត្តមើលកុន ហើយចង់ទស្សនាកុនជួបជុំគ្នាជាមួយនឹងអ្នកដែលមានចិត្តស្រលាញ់ភាពយន្តដូចគ្នា ដោយ ពោតផ្ទុះ - Popcornkh ជាគេហទំព័រហ្វេសប៊ុកនិយាយ និងវិភាគកុន ដែលមានចំនួនអ្នកគាំទ្រចុច Likes ច្រើនជាងគេដល់ទៅជាង 30k បានរៀបចំ « ព្រឹត្តិការណ៍ទស្សនាកុនជាមួយគ្រួសារពោតផ្ទុះ លើកទី២ » រឿង Spider-Man: Far From Home បន្ទាប់ពីទទួលបានភាពជោគជ័យយ៉ាងសម្បើមនៅក្នុងកម្មវិធី « ព្រឹត្តិការណ៍ទស្សនាកុនជាមួយគ្រួសារពោតផ្ទុះ» លើកទី១ ក្នុងការទស្សនារឿង Avengers: End Game កន្លងមក។
ព្រឹត្តិការណ៍ដ៏អស្ចារ្យមួយនេះ នឹងផ្តល់ឱកាសឱ្យអ្នកចូលរួមទស្សនា មានភាពរីករាយតាមរយៈការមើលកុនជុំគ្នា ១ Hall ១គ្រួសារ ទាំង ២៩៩កៅអី នៅក្នុង Hall 3D Dolby Atmos ដែលជា Hall ធំទូលាយ ជាមួយបច្ចេកវិទ្យា Dolby Atmos សំលេងដ៏ល្អគ្មានពីរ ក្នុងរោងភាពយន្តទំនើបស្តង់ដាកូរ៉េដំបូងបង្អស់នៅកម្ពុជា Prime Cineplex ដោយការចុះឈ្មោះចូលរួមមានតម្លៃត្រឹមតែ 3.5$ តែប៉ុណ្ណោះ។
តែអ្វីដែលកាន់តែពិសេសទៅទៀតនោះ មុននឹងចាក់បញ្ចាំងខ្សែភាពយន្ត អ្នកដែលចូលរួមនឹងទទួលបានភាពរីករាយជាមួយនឹងកម្មវិធីកម្សាន្តសប្បាយៗដូចជា៖
-ការទទួលទានអាហារសម្រន់ជុំគ្នា Finger Food
-ការសម្តែង Cosplay Show ពិសេសជាមួយនឹងអាយដល Spider Iron Suit និង Black Spider-Man
-ការបង្ហាញក្បាច់រាំពិសេសពី ក្រុមរាំដ៏ល្បី
-ការបង្ហើរសំនៀងដ៏ក្រអួនក្រអៅ ពីតារាចម្រៀងស្រីស្អាត Ry Rangsey ដែលមានឈ្មោះល្បីនៅក្នុងបណ្តាញសង្គមហ្វេសប៊ុក
-ការលេងហ្គេម និងឆ្លើយសំនួរ ទទួលបានរង្វាន់អាថ៌កំបាំង
-ជំនួបរវាងអេតមីន និងហ្វេនពោតផ្ទុះ (Meet and Greet)
-ការថតរូបកម្សាន្តសប្បាយជុំគ្នា ដោយសេរី ពីសំណាក់ កំពូល Photography ល្បីៗ
-ការថតវីដេអូបទសម្ភាសខ្លីៗ ជាមួយនឹងកម្មវិធីពិសេសៗសប្បាយៗជាច្រើនមុខទៀត។
គួរឱ្យដឹងផងដែរថា កម្មវិធីជួបជ៉ំគ្នាទស្សនាកុនជាមួយគ្រួសារពោតផ្ទុះរឿង Spider-Man: Far From Home នឹងធ្វើឡើងនៅ ថ្ងៃសុក្រ ទី ០៥ ខែ កក្កដា ឆ្នាំ ២០១៩ នៅរោងភាពយន្ត Prime Cineplex នៅផ្សារទំនើប សុវណ្ណា ចាប់ពីម៉ោង ៤ ល្ងាចតទៅ។ ដោយកម្មវិធីដ៏ធំ និងកក្រើកដែលមិនធ្លាប់មានពីមុននៅកម្ពុជាមួយនេះនេះ ត្រូវបានរៀបចំឡើងដោយក្រុម ពោតផ្ទុះ-PopcornKh ផ្ទាល់ សហការជាមួយនឹងរោងភាពយន្តទំនើប Prime Cineplex Cambodia រួមទាំងមានមានដៃគូឧបត្ថម្ភដូចជា៖
ឧបត្ថម្ភធំដោយៈ
-ទីក្រុងម៉ូត City Mode ហាងលក់សំលៀកបំពាក់បុរសទាន់សម័យ ដែលបានសហការឧបត្ថម្ភធំដល់កម្មវិធី ដែលមានអាស័យដ្ឋាន នៅផ្លូវកម្ពុជាក្រោម ផ្ទះលេខ 334-336 ខាងកើតស្តុបណានជីង ចំងាយ 30 ម៉ែត្រ មានលេខទំនាក់ទំនង 086 482 112 ។
សហការឧបត្ថម្ភដោយៈ
-Klassy Watches ហាងលក់នាឡិកាដៃបុរស-នារីទាន់សម័យ បានសហការឧបត្ថម្ភដល់ ការរៀបចំកម្មវិធីមានទីតាំងនៅផ្ទះលេខ 45Eo ផ្លូវលេខ 240 ខាងលិច ឆៀងខាងត្បូងព្រះបរមរាជវាំង ចំងាយ 50 ម៉ែត្រ ទូរសព្ទ័លេខ 015 751 077។
- BN Lighting មានផ្តល់នូវសេវាកម្ម ជួល និងរៀបចំភ្លើងពណ៌គ្រប់ប្រភេទ ព្រមទាំងកម្រាលព្រំសម្រាប់កម្មវិធីដ៏ស្រស់ស្អាត ដែលបានជួយឧបត្ថម្ភក្នុងកម្មវិធី អាចទំនាក់ទំនងតាមទូរស័ព្ទលេខ 069 939 093។
កុំភ្លេចណា! ចូលរួមព្រឹត្តិការណ៍ដ៏សប្បាយរីករាយមួយនេះឱ្យបានច្រើនកុះករ ដើម្បីទទួលបានការកម្សាន្តពិសេសៗ លើសពីការមើលកុន!
ព័ត៌មានថ្មីៗ
