ហេតុដែលអ្នកគួរជៀសវាងទុកកែវទឹកនៅក្បែរគ្រែរបស់អ្នកជាដាច់ខាត!
ដូចដែលយើងបានដឹងហើយថា ការទទួលទានទឹកគឺល្អចំពោះសុខភាពខ្លាំងណាស់ ហេតុនេះហើយអ្នកជំនាញជាច្រើនបានណែនាំឱ្យយើងគួរតែទទួលទានទឹកឱ្យបានច្រើនយ៉ាងហោចក៏ឱ្យបាន ៨កែវក្នុងមួយថ្ងៃដែ។
យ៉ាងណាមិញ មានមនុស្សជាច្រើនបានធ្វេសប្រហែស ឬភ្លេចទទួលទានទឹកឱ្យត្រូវការកំណត់ ហើយពួកគេក៏បានប្រើមធ្យោបាយមួយចំនួនដើម្បីរំលឹកឱ្យទទួលទានទឹក ហើយវិធីសាស្ត្រពេញនិយមជាងគេ គឺការទុកកែវទឹកនៅក្បាលដំណេកតែម្តង។
តែសម្រាប់អ្នកជំនាញបានណែនាំឱ្យទុកកែវទឹកក្បែរដំណេកឡើយ ដោយយោងតាមហេតុផលមួយចំនួនដូចខាងក្រោមនេះ ៖
# អាចផ្ទុកកម្ទេចកម្ទី ទូលី ឬសត្វល្អិត
ការទុកកែវទឹកក្បែរដំណេកពេលយប់ទុកទទួលទានពេលយប់រាល់ពេលស្រេក និងសម្រាប់ទទួលទានពេលព្រឹកព្រលឹម វាអាចធ្វើឱ្យសត្វល្អិត កម្ទេចកម្ទីចូលទៅក្នុងកែវទឹកអ្នកបាន ហើយអ្នកនឹងមិនចាប់អារម្មណ៍ឃើញរបស់ល្អិតៗទាំងនោះឡើយ។ ដោយសត្វល្អិត និងកម្ទេចនេះអាចនឹងធ្វើឱ្យប៉ះពាល់សល់សុខភាពអ្នកក៏ថាបាន។
#ទឹកប្រែប្រួលរសជាតិ
ទឹកពីក្បាលម៉ាស៊ីន និងម៉ាស៊ីនចម្រោះមួយចំនួន ពេលដែលអ្នកបើកទទួលទានភ្លាមៗវាពិតជាមិនមានបញ្ហានោះទេ។ តែការទុកកែវទឹកនេះ នៅក្បែរដំណេកពីយប់ទល់ព្រឹក អាចធ្វើឱ្យសារធាតុមួយចំនួនក្នុងទឹកហើរ ដែលជាហេតុធ្វើឱ្យទឹកដែលអ្នកទទួលទានផ្លាស់ប្តូររសជាតិ ភ្លាវៗ ឬធ្វើឱ្យអ្នករអារទទួលទានផងដែរ។
#ទឹកផ្ទុកនូវមេរោគ និងបាក់តេរី
តើអ្នកដឹងទេ ពេលដែលអ្នកទទួលទានទឹកម្តងៗបាក់តេរីពីមាត់របស់អ្នកនឹងហូរផ្លាស់ប្តូរទៅក្នុងកែវទឹកបាន។ ដូច្នេះរាល់ពេលអ្នកទទួលទានទឹកក្នុងកែវក្បែរក្បាលដំណេក រួចពេលព្រឹកឡើងទទួលទានទឹកក្នុងកែវនោះដដែលជាថ្មីម្តងទៀត នឹងធ្វើឱ្យបាក់តេរីកាន់តែមានចំនួនច្រើនឡើង ហើយចូលទៅក្នុងរាងកាយអ្នក ដែលអាចបង្ករឱ្យមានបញ្ហាសុខភាពក៏ថាបាន។
# បង្កហារនិភ័យឆ្លងចរន្តភ្លើង ឬឆក់ខ្សែភ្លើង
ដូចយើងដឹងហើយថា សម័យនេះ ទូរស័ព្ទគឺជាគ្រឿងសំខាន់ប្រចាំក្បែរខ្លួនរបស់មនុស្សម្នាក់ៗ ជាពិសេសរាល់យប់មុនចូលគេង ក៏តែងតែសាកឧបករណ៍នោះក្បែរខ្លួនក៏មាន ហើយភាគច្រើនបំផុត កន្លែងទុកកែវទឹករបស់អ្នក និងកន្លែងដោតឧបករណ៍នោះគឺនៅក្បែរគ្នា។ ដូច្នេះវាពិតជាអាចទៅរួចពេលអ្នកគ្រវៀសដៃ ឬប៉ះនឹងកែវទឹកដោយអចេតនា ហើយទឹកនេះហើយជាអ្នកនាំឱ្យមានការឆ្លងចរន្តអគ្គិសនីដែលធ្វើឱ្យអ្នកមានគ្រោះថ្នាក់ជាយថាហេតុ។
# ទឹកនឹងឡើងជាតិអាស៊ីត
នៅពេលអ្នកទុកកែវទឹករបស់អ្នកចោល នៅជិតក្បាលដំណេ្ វានឹងធ្វើឱ្យទឹកអាចស្រូបយកបរិមាណកាបូនឌីអុកស៊ីតថែមទាំងធ្វើឱ្យផ្លាស់ប្តូរតុល្យភាព pH ក្នុងទឹកបន្តិចផងដែរ។ ជាលទ្ធផលទឹកក្នុងកែវរបស់អ្នក នឹងឡើងកម្រិតជាតិអាស៊ីត ហើយកំរិត pH នឹងចុះទាប ដែលវាមិនបណ្តាលឱ្យប៉ះពាល់សុខភាពទេ តែវាធ្វើឱ្យទឹករបស់អ្នកផ្លាស់ប្តូររសជាតិ មិនគួរឱ្យចង់ទទួលទានទៅវិញ។
#រំខានដំណេក
រាល់ពេលអ្នកទុកកែវទឹកក្បែរដំណេក អ្នកនឹងតែងតែទាញកែវទឹកមកទទួលទានឬជឹបបន្តិចដើម្បីផ្សើមបំពង់ក ហើយការធ្វើបែបនេះជាញឹកញយនឹងធ្វើឱ្យអ្នករាន់នោមចង់ទៅបន្ទោរបង់ ហើយការទទួលទានទឹកកាន់តែច្រើននឹងធ្វើឱ្យអ្នកចូលបន្ទប់ទឹកញឹកញាប់។ ជាលទ្ធផលអ្នកនឹងមិនសូវបានគេងស្កប់ស្កល់បានឆ្អែតឡើយ ដែលបណ្តាលឱ្យអ្នកមានអាការងោកងុយ និងហត់នឿយអស់កម្លាំងនៅពេលព្រឹកបាន៕
ប្រភព៖ Brightside
ព័ត៌មានថ្មីៗ
