តែសម្បកក្រូច ទទួលទានរាល់ថ្ងៃ ១សប្តាហ៍ពេញនឹងស្រកទម្ងន់បានដូចចិត្តប្រាថ្នា
ផ្លែក្រូច គឺជាផ្លែឈើធម្មជាតិដែលសម្បូរទៅដោយវីតាមីន C ដែលអាចជំនួយសុខភាពរាងកាយ បង្កើនភាពស៊ាំឱ្យកាន់តែរឹងមាំអាចទប់ស្កាត់ជំងឺផ្សេងៗ និងអាចការពារពីជំងឺកាចសាហាវជាច្រើនទៀត។
ក្រៅពីអាចជួយដល់សុខភាពហើយនោះ ផ្លែក្រូចត្រូវបានគេដឹងថា មានប្រសិទ្ធភាពពិសេសអាចជួយដល់ការសម្រកទម្ងន់បានល្អទៀតផង នោះគឺការធ្វើទឹកតែពីសម្បកក្រូច ដោយគ្រាន់តែព្យាយាមទទួលទានរាល់ថ្ងៃជាប្រចាំនឹងអាចជួយឱ្យអ្នកស្រកទម្ងន់បានដូចចិត្តប៉ងទៀតផង។
តោះ! មកដឹងពីវិធីធ្វើតែពីសម្បកក្រូចដូចខាងក្រោមនេះ ៖
#គ្រឿងផ្សំ
-សម្បកក្រូច (ឬអាចយកសម្បកក្រូចក្រៀមក៏បាន)
-ខ្ញី
-ទឹកស្អាត
-ទឹកឃ្មុំ និងទឹកក្រូចឆ្មារ
#ការអនុវត្ត
-យកសម្បកក្រូចបេះជាចំណិតតូចៗ និងចិតមើមខ្ញីជាដុំតូចៗប្រមាណជា ៤ ទៅ៥ដុំ តូចៗ បន្ទាប់មកយកគ្រឿងផ្សំទាំងនេះដាំលាយជាមួយនឹងទឹកស្អាត ១កែវ រួចរកដាំឱ្យពុះ ទុកប្រមាណជា ១០នាទី រួចច្រោះយកតែទឹកមកប្រើប្រាស់។
-បន្ទាប់មកយកទឹក១កែវមកទទួលទាន ដោយបន្ថែមទឹកឃ្មុំបន្តិច និងទឹកក្រូចឆ្មារបន្តិចដើម្បីបង្កើនរសជាតិ
-អ្នកអាចទទួលទាន១កែវជារៀងរាល់ថ្ងៃ ដើម្បីទទួលបានប្រសិទ្ធភាពខ្ពស់ ដោយអ្នកអាចរក្សាទឹកតែនេះក្នុងទូទឹកកកទុកទទួលទានបានរយៈពេល ២ថ្ងៃ។
បន្ថែម៖ កុំភ្លេចហាត់ប្រាណ ១៥នាទី ទៅ ២០នាទីបន្ថែមផងទើបមានប្រសិទ្ធភាព៕
រក្សាសិទ្ធ៖ ក្នុងស្រុក
អំពីអ្នកសរសេររបស់យើង៖ Writers
ព័ត៌មានថ្មីៗ
