Solskjaer: ‘Liverpool សមតែឈ្នះហ្នឹងហើយ
លោក Ole Gunnar Soslkjaer បាននិយាយថា United បានបណ្តោយឱ្យរបូតគ្រាប់បាល់នៅក្នុងគ្រាសំខាន់នៃការប្រកួតនេះ។ បិសាចក្រហមគួរតែតស៊ូឲ្យខ្លាំងជាងមុនបន្ទាប់ពីចាប់ផ្តើមការប្រកួតបានល្អ។
នៅក្នុងបទសម្ភាសន៍ក្រោយការប្រកួតលោក Ole Gunnar Solskjaer បាននិយាយថា៖“ ពួកគេ [Liverpool] សមនឹងទទួលបានជ័យជម្នះ។យើងបានបណ្តោយឲ្យមានគ្រាប់បាល់ស៊ុតបញ្ចូលទីក្នុងពេលដ៏សំខាន់នៃការប្រកួត"។
"យើងបានផ្តល់ឱ្យពួកគេយ៉ាងហោចណាស់ ២ គ្រាប់។ បន្ទាប់មកយើងរកគ្រាប់បាល់បានម្តងទៀត និងមានឱកាសដ៏ធំមួយគ្រាសំខាន់ៗ ប៉ុន្តែមិនអាចសម្រេចបាន"។
គ្រូបង្វឹករបស់ក្រុមបិសាចក្រហមរូបនេះបានបន្តទៀតថា៖“ ភាពមុតស្រួច និងការដាក់សម្ពាធរបស់ពួកគេគឺខ្លាំងក្លាណាស់។ យើងលេងមិនល្អដោយខ្លួនឯង ។ នៅវគ្គទី២យើងឲ្យពួកគេរកបានគ្រាប់បាល់ស្រួលៗពេក ហើយចូលចុងបញ្ចប់នៃការប្រកួតក៏មិនគួរប្រហែសបែបនេះដែរ"។
នេះគឺជាបរាជ័យទី២ក្នុងសប្ដាហ៍នេះ បន្ទាប់ពីលើកទីមួយចាញ់ក្រុម Leicester City តែយ៉ាងណា! បិសាចក្រហមបន្តឈរលេខ២ដដែលនិងតាមពីក្រោយក្រុម Man City ដែលជាម្ចាស់ពានរង្វាន់ទៅហើយនោះដល់ទៅ១០ពិន្ទុ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
