មិនចំណាយច្រើន! ក្បួនងាយៗ ៣ អាចបន្សាបថាមពលអាក្រក់ បញ្ចៀសអស់គ្រោះក្នុងជីវិត
តាមក្បួនហុងស៊ុយចិន គេមានខែល្អ និងខែអាក្រក់ ជាក់ស្តែងដូចនៅខែសីហានេះ ជាពេលវេលាដែលគេហៅថា ខែខ្មោច ដូច្នេះនឹងមានវិញ្ញាណជាច្រើនដែលរំលេចចេញមក ខ្លះក៏ល្អទៅ ខ្លះក៏អាក្រក់ ដែលអាចបង្កជាគ្រោះដល់មនុស្សទាំងឡាយ។ អ្នកជំនាញផ្នែកហុងស៊ុយ បានណែនាំក្បួនសាមញ្ញ ៣ ដែលអ្នកអាចអនុវត្ត ក្នុងការបញ្ចៀសនៅថាមពលអាក្រក់ និងគ្រោះដែលអាចចូលមកក្នុងជីវិតយើង៖
៣) ខ្ទឹមស
តាមជំនឿ ខ្ទឹមសអាចកាត់បន្ថយថាមពលអវិជ្ជមានរបស់វិញ្ញាណបិសាច មិនឲ្យពួកវាចូលមកជិត។ អ្នកអាចយកខ្ទឹមសតូចមួយតាមខ្លួន ឬព្យួរខ្ទឹមសនៅមុខខ្លោងទ្វារផ្ទះ ឬហាងរកស៊ី ដើម្បីកម្ចាត់វិញ្ញាណអាក្រក់ទាំងឡាយឲ្យជៀសចេញឆ្ងាយ។
២) អំបិល
អំបិលក៏ត្រូវបានគេចាត់ទុកជារបស់បណ្ដេញវិញ្ញាណបិសាចយ៉ាងមានប្រសិទ្ធភាពមួយផងដែរ។ វិធីប្រើប្រាស់ដោយត្រឹមត្រូវ បើនៅតាមវត្តអារាមចិនមួយចំនួន យើងអាចទៅបួងសួងសុំសេចក្តីសុខនៅទីនោះបាន ហើយមុនត្រលប់មកវិញសុំអំបិលមួយកូនថង់យាមតូច ដើម្បីយកមកផ្ទះ។
១) គ្រាប់សណ្តែកខៀវ
មានសណ្តែកខៀវ ព្យួរក្នុងផ្ទះចោល ក៏ជារបស់ដែលអាចបណ្តេញវិញ្ញាណមិនល្អបានផងដែរ ហើយជាងនេះថែមទាំងជួយឲ្យគ្រួសារចម្រុងចម្រើន ទទួលទានមានបាន ត្រជាក់ត្រជំតទៅមុខ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
