ក្រូចឆ្មាលាយទឹកក្ដៅឧណ្ហ៍ៗមានប្រយោជន៍ច្រើនណាស់ តែបើផឹកខុស ៥ របៀបនេះ ដឹងតែយ៉ាប់ហើយ
មនុស្សជាច្រើនបានដឹងរួចហើយ ថាការទទួលទានទឹកក្ដៅឧណ្ហ៍ៗ លាយជាមួយក្រូចឆ្មារដែលមានជាតិជូរ គឺល្អខ្លាំងណាស់សម្រាប់សុខភាព។ យ៉ាងណាអ្នកត្រូវដឹងថា របៀបនៃការទទួលទាន ៥ ខាងក្រោម គឺជាកំហុសដែលត្រូវជៀសវាង ព្រោះវាអាចបង្កផលប៉ះពាល់ដល់សុខភាពធ្ងន់ធ្ងរ៖
៥) អ្នកជំងឺមានរាងកាយត្រជាក់
យោងតាមអ្នកជំនាញបានឲ្យដឹងថា ប្រសិនអ្នកជំងឺមានរាងកាយត្រជាក់ខ្លាំង អ្នកមិនគួរទទួលទានវាច្រើនពេក ព្រោះអាចនាំឲ្យជំងឺឬសភាពរាងកាយកាន់តែទ្រុឌទ្រោមទៅ។ ឧទាហរណ៍៖ អ្នកជំងឺស្ទាបខ្លួនទៅត្រជាក់ស្រិប អស់កម្លាំង ត្រជាក់ចុងសន្លាក់ម្រាមដៃម្រាមជើង គឺដាច់ខាតមិនត្រូវទទួលទានវាឡើយ។
៤) ការលាយទឹកក្រូចឆ្មាជាមួយទឹកក្តៅពេក
ការទទួលទានទឹកក្រូចឆ្មាដែឡក្តៅខ្លាំងពេក វានឹងបំផ្លាញអង់ហ្សីមដែលមានប្រយោជន៍នៅក្នុងក្រូចឆ្មារ នាំឲ្យបាត់បង់តម្លៃនៃអាហារូបត្ថម្ភរបស់វា។ យកល្អគួរតែលាយទឹកក្រូចឆ្មារជាមួយទឹកក្ដៅឧណ្ហ៍ៗ ដែលមានសីតុណ្ហភាពក្តៅល្មម ពោលកុំក្តៅដូចទឹកកំពុងពុះ។
៣) ផឹកពេលពោះទទេ
ទឹកក្រូចឆ្មារមានជាតិអាស៊ីដខ្ពស់ណាស់ ដូច្នេះប្រសិនពេលទទួលទានវានៅពេលពោះទទេ ពេលព្រឹកជាដើម គឺអាចជះផលប៉ះពាល់ច្រើនដល់ប្រព័ន្ធរំលាយអាហារ។ ទម្លាប់បែបនេះយូរទៅ អាចធ្វើឲ្យក្រពះចាល់អាស៊ីដ បណ្តាលឲ្យរលាក ដំបៅ ឬមានហូរឈាមក្រពះថែមទៀត។
ដូច្នេះអ្នកគួរមានអាហារចូលពោះ ឬទទួលទានអាហារពេលព្រឹករួច សឹមទទួលទានទឹកក្រូចឆ្មារគឺល្អបំផុតសម្រាប់សុខភាព។
២) ផឹកទឹកក្រូចឆ្មារច្រើនក្នុងពេលតែមួយ
ដ្បិតបើវាមានប្រយោជន៍ច្រើនសម្រាប់សុខភាព និងសម្រស់ តែអ្នកក៏មិនគួរទទួលទានវាច្រើនពេកក្នុងទេមួយនោះដែរ។
ព្រោះវាអាចបណ្តាលឲ្យរលាកក្រហាយទ្រូង ហើយយោងតាមវេជ្ជបណ្ឌិតលើកឡើងថា ការទទួលទានវាច្រើនពេកក្នុងពេលតែមួយ អាចប្រឈមជំងឺច្រាលក្រពះពោះវៀន (GERD) និងការចាល់អាស៊ីដ។ ជាទូទៅល្អបំផុត អ្នកគួរទទួលទានវាត្រឹម ២ កែវ/ថ្ងៃបានហើយ បើលើសពីនេះវាអាចជាបំផ្លាញសុខភាពយើងទៅវិញ។
១) អ្នកដែលមានដំបៅក្នុងមាត់
ប្រសិនអ្នកកំពុងមានដំបៅក្នុងមាត់ ពងបែកមាត់ ក៏អ្នកមិនគួរទទួលទានទឹកក្រូចឆ្មារដែរ ព្រោះវាអាចបណ្តាលឲ្យសភាពជំងឺកាន់តែធ្ងន់ធ្ងរទៅ។ តាមអ្នកជំនាញបានឲ្យដឹងថា ជាទូទៅដំបៅមាត់ត្រូវការពេល ១-២ សប្តាហ៍ដើម្បីជាសះស្បើយ ហើយបើកំឡុងពេលនោះអ្នកនៅទទួលទានទឹកក្រូចឆ្មារ នោះជាតិអាស៊ីដខ្ពស់វានឹងចូលប្រតិកម្មធ្វើឲ្យជំងឺកាន់តែធំទៅ ដ្បិតបើដំបៅចាស់តូចក៏ដោយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
