Ferdinand ថា Chelsea អត់តារាឆ្នើមរូបនេះ ទើប Man City លែងគ្របជិតឈឹង
ប្រកួតរវាងក្លឹប Chelsea និង Man City នៅល្ងាចថ្ងៃសៅរ៍នេះ បានបង្កើតស្ថិតិដែលពិបាកនឹងទទួលយកសម្រាប់ក្រុមម្ចាស់ផ្ទះ ព្រោះអីខាងក្រុមភ្ញៀវដូចចូលមកគ្របជិតឈឹង ហើយមិនផ្តល់ឱកាសឲ្យស៊ុតចំគោលដៅសូម្បីមួយលើក។
ស្ថិតិ ៩០ នាទីពេញខាង City គ្រប់គ្រងបាល់ ៦០ ភាគរយ ស៊ុត ១៥ លើក ចំគោលដៅ ៤ លើក ធៀបនឹង Chelsea ស៊ុត ៥ លើក ចំគោលដៅ ០ លើក តាមរយៈការគ្រប់គ្រងបាល់ ៤០ ភាគរយ។ ចុងក្រោយ City រកបានមួយគ្រាប់ ចេញពីជើងរបស់ Gabriel Jesus ដែលជាគ្រាប់បាល់ជ័យជម្នះ។
យ៉ាងណាក្រោយចប់ការប្រកួត លោក Rio Ferdinand ជាអ្នកវិភាគការប្រកួត បាននិយាយថា បរាជ័យសារនេះក៏ដោយសារ Chelsea អវត្តមានកីឡាករសំខាន់នោះគឺ Mason Mount ដែលគេជួបបញ្ហារបួស។
ប្រាប់ BT Sport លោក Ferdinand ថា៖ "Man City បានយកឈ្នះលើបេក្ខភាពប្រជែងពានរង្វាន់ ហើយថ្ងៃនេះគឺយកឈ្នះ ១-០ ដោយ Chelsea មើលទៅដូចមិនស្ថិតក្នុងផ្នែកនៃការប្រកួត ព្រោះ City គ្របជិតឈឹងនៅគ្រប់តំបន់លើទីលាន"។
លោកបន្តថា៖ "Chelsea មិនមានការប្រើប្រាស់ល្បឿនទេថ្ងៃនេះ ដោយ Chelsea គេអវត្តមាន Mason Mount ជាកីឡាករដែលអាចផ្សារភ្ជាប់ខ្លួនគេបានយ៉ាងល្អទៅក្នុងការប្រកួត ពោលជាថាមពលសំខាន់មួយ ហើយខ្ញុំគិតថាលោក Tuchel ពិតណាស់ នឹងចង់បានគេឲ្យត្រលប់មកវិញឆាប់ៗ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
