ស៊ុតគ្រាប់ជ័យជម្នះឱ្យ Man Utd យប់មិញនេះ CR7 បង្ហាញប្រតិកម្មអ្វីខ្លះ?
និយាយទៅកាន់ BT Sport បន្ទាប់ពីការប្រកួតបញ្ចប់ក្នុងជ័យជម្នះរបស់ Man United លើ Villarreal ២ទល់១ Cristiano Ronaldo បាននិយាយថា៖“ នេះជាមូលហេតុដែលខ្ញុំត្រលប់មកវិញ ខ្ញុំនឹកក្លឹបនេះខ្លាំងណាស់"។
“ ខ្ញុំមានប្រវត្តិជាមួយក្លឹបនេះ ហើយខ្ញុំចង់ធ្វើវាម្តងទៀត មិនត្រឹមតែសម្រាប់ខ្ញុំប៉ុណ្ណោះទេថែមទាំងជួយជំរុញក្រុមទៀតផង។ ប្រសិនបើយើងមិនទទួលបានបីពិន្ទុនៅថ្ងៃនេះទេ វាពិតជាពិបាកក្នុងការឆ្លងទៅវគ្គបន្ទាប់"។
"ប៉ុន្តែឥឡូវនេះអ្វីៗអាចធ្វើទៅបាន អ្វីគ្រប់យ៉ាងគឺបើកចំហ ហើយយើងជឿជាក់ថាយើងនឹងឆ្លងកាត់វាបាន"។
Ronaldo បានរកគ្រាប់បាល់ជ័យជម្នះនៅនាទីទី ៩៥ យ៉ាងអស្ចារ្យដើម្បីជួយឱ្យក្រុម Man United កត់ត្រាជ័យជម្នះមកវិញ ទោះបីលេងមិនបានល្អគ្រប់ការប្រកួតក៏ដោយ។
នោះគឺជាគ្រាប់បាល់ទី ៥ របស់ CR7 សម្រាប់រដូវកាលនេះសម្រាប់ក្រុមបិសាចក្រហម និងជាការបង្ហាញខ្លួនលើកទី ១៧៨ ក្នុងការប្រកួតក្របខ័ណ្ឌ Champions League ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
