Young ថាមិត្តរួមក្រុម Messi ម្នាក់នេះ នឹងអាចក្លាយជា ‘Michael Carrick ទីពីរ’ នៅ Man Utd
អតីតខ្សែការពារស្លាប Ashley Young គេធ្លាប់ចាយពេលនៅ Man Utd ចន្លោះឆ្នាំ ២០១១ ដល់ ២០២០ មុនត្រូវបានផ្ទេរទៅ Inter Milan ហើយឥឡូវត្រលប់មកក្លឹប Aston Villa នៅក្របខ័ណ្ឌ Premier League វិញ ដែលមានន័យថា នឹងអាចតតាំងក្លឹបចាស់របស់គេម្តងទៀត។
យ៉ាងណាកន្លងទៅ Young បាននិយាយអំពីកីឡាករមួយរូបនៅក្លឹប PSG ដែលគេសក្ដិសមពិតជាអាចក្លាយ Michael Carrick ទីពីរ នៅក្លឹប Man Utd ហើយម្នាក់នោះគឺកីឡាករអ៊ីតាលី Marco Verratti។
ប្រាប់ BBC Radio 5 Live ក្រោយចប់ការប្រកួតជុំទី ២ UCL លោក Young ថា៖ "ប្រភេទកីឡាករដូច Michael Carrick ក្លឹប Man Utd មិនទាន់រកបានអ្នកមកជំនួសច្រើនឆ្នាំមកហើយ ដោយខ្ញុំមើលទៅ Fred និង McTominay គេល្អលេងហើយ តែគេមិនទាន់កៀកដល់កម្រិតរបស់ Carrick ទេ"។
លោកបន្ថែម៖ "តែពេលខ្ញុំមើល PSG និង City លេង ខ្ញុំគិតថា Marco Verratti គឺកៀកនឹងកម្រិតរបស់ Carrick ហើយប្រសិនក្លឹប Man Utd អាចយកគេបាន នោះពិតជានឹងក្លាយជាការចុះហត្ថលេខាដ៏អស្ចារ្យបំផុតសម្រាប់ក្លឹប"។
គួររំឭកថា Carrick គេជាអតីតកីឡាករលេងតំណែងបម្រើការពារឲ្យ Man Utd អស់រយៈពេល ១២ ឆ្នាំ។ បង្ហាញខ្លួនសរុប ៤៦៤ ប្រកួត គេរកបាន ២៤ គ្រាប់និង Assist ៣៧ លើក មុនប្រកាសចូលនិវត្តនៅឆ្នាំ ២០១៨៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
