បុរសជប៉ុនវ័យ ៣៥ ឆ្នាំម្នាក់សម្រេចចិត្តរៀបការជាមួយតុក្កតាចម្រៀងនិម្មិតជប៉ុនដ៏ល្បី Hatsune Miku ព្រោះតែមនុស្សស្រីម្នាក់ធ្វើឲ្យលោកខូចចិត្តជាខ្លាំង!
ជប៉ុន៖ បុរសជប៉ុនវ័យ ៣៥ ឆ្នាំម្នាក់សម្រេចចិត្តរៀបការជាមួយតុក្កតាចម្រៀងនិម្មិតជប៉ុនដ៏ល្បី Hatsune Miku ព្រោះតែមនុស្សស្រីម្នាក់ធ្វើឲ្យលោកខូចចិត្តជាខ្លាំង។
កូនកំលោះពោរពេញដោយស្នាមញញឹមរូបនេះមានឈ្មោះ Akihiko Kondo (近藤顕彦) បានសម្រេចចិត្តរៀបអាពាហ៍ពិពាហ៍ជាមួយនឹងកូនតុក្កតាឈ្មោះ Hatsune Miku កាលពីពីរសប្តាហ៍មុន។
មូលហេតុដែលធ្វើឲ្យលោកសម្រេចចិត្តធ្វើបែបនេះ ព្រោះកាលពីជាង ១០ ឆ្នាំមុន ចៅហ្វាយស្រីដែលនៅកន្លែងធ្វើការរបស់លោកតែងតែធ្វើបាប និងជេរប្រមាថរូបលោកជាខ្លាំង ទើបធ្វើឲ្យលោកមានរបួសផ្លូវចិត្ត ហើយមិនទុកចិត្តស្រីៗចាប់ពីពេលនោះមក។
បន្ទាប់មក លោកក៏បានទិញតុក្កតា Hatsune Miku ដែលចម្រៀងរបស់នាងបានលួងលោមចិត្ត និងព្យាបាលរបួសផ្លូវចិត្តរបស់លោក។ ដូច្នេះកាលពីថ្ងៃទី ៤ ខែវិច្ឆិកាកន្លងទៅនេះលោក Konda ក៏បានរៀបការជាមួយនឹងតុក្កតា Hatsune ហើយមានអ្នកចូលរួមពិធីរៀបអាពាហ៍ពិពាហ៍របស់លោកចំនួន ៣៩ នាក់។
លោក Kondo បានប្រកាសនៅលើគណនី Twitter របស់លោកថា “ថ្ងៃនេះ ខ្ញុំបានរៀបការជាមួយនឹង Miku។ ខ្ញុំបានអញ្ជើញភ្ញៀវ ៣៩នាក់ឲ្យចូលរូមពិធីរៀបអាពាហ៍ពិពាហ៍របស់ខ្ញុំ។ ពួកយើងពិតជាអរគុណអ្នកគ្រប់គ្នាដែលបានចូលរូម និងជូនពរពួកយើងជាខ្លាំង។”
ពិធីរៀបការរបស់លោកបានល្បីកក្រើកនៅក្នុងបណ្តាញសង្គម Twitter ជប៉ុន ហើយមានមនុស្សជាច្រើននាក់បានអបអរសាទរ និងជូនពររូបលោកឲ្យចេះស្រលាញ់គ្នា និងរស់នៅជាមួយគ្នាដោយសប្បាយចិត្តជារៀងរហូត៕
សូមទស្សនាកម្រងរូបភាពក្នុងពិធីរៀបការរបស់លោកនៅខាងក្រោមនេះ៖
ខាងក្រោមនេះជាសារជូនពរលោកនៅក្នុងគណនី Twitter ៖
ខាងក្រោមនេះជាវីដេអូពីតុក្កតាចម្រៀងនិម្មិត ៖
ប្រភព៖ 9GAG
ព័ត៌មានថ្មីៗ
