សុំពេលត្រឹម ១ នាទី សាកចលនា ៣ នេះមុនចូលគេង ដើម្បីស្រកខ្លាញ់ក្បាលពោះ
មុនពេលចូលគេង ចាយពេលតែប៉ុន្មាននាទី ជាមួយតែការអនុវត្តនូវចលនាសាមញ្ញមួយចំនួនដូចខាងក្រោម ក៏អាចជួយឲ្យអ្នកស្រកខ្លាញ់ក្បាលពោះ និងជួយឲ្យដំណេកស្កល់ស្កល់យ៉ាងមានប្រសិទ្ធភាព៖
ចលនាទី ១
ទម្រេតខ្នងលើគ្រែ ឬកម្រាលព្រំណាមួយ បន្ទាប់មកលើកជង្គង់អ្នកឡើងមកលើ ហើយយកដៃទៅឱបជើងទាំងសងខាង រួចព្យាយាមទាញវាមកស្មើក្បាលពោះ។ រក្សាចលនាបែបនេះឲ្យនឹងថ្កល់រយៈពេល ១ នាទី រួចដកដង្ហើមវែងៗប្រហែល ៨ ទៅ ១០ ដង្ហើម សឹមទម្លាក់ជើងចុះវិញ។
លំហាត់ប្រាណនេះធ្វើឲ្យឡើងរឹងសាច់ដុំក្បាលពោះ ភ្លៅ និងខ្នងខាងក្រោម ដែលវាសម្រួលទាំងសរសៃកុំឲ្យស្ពឹក និងជួយដុតខ្លាញ់ក្បាលពោះបានមួយផ្នែក។
ចលនាទី ២
ដេកលើផ្ទៃរាបស្មើ ឬលើគ្រែ ហើយដាក់គូទទល់នឹងជញ្ជាំង រួចលើកជើងឡើងទៅខាងលើ ហើយលាតដៃសន្ធឹងមកក្រោម។
ដកដង្ហើមមវែងៗស្មើគ្នា ហើយដាក់ជើងទៅលើខ្ពស់បែបនោះ រយៈពេល ១-២ នាទី ប្រសិនអ្នកមានការស៊ូទ្រាំបានយូរជាងនេះ គឺកាន់តែល្អ។ ប្រសិនទទួលអារម្មណ៍ឈឺចាប់តំបន់ត្រកៀក ពេលអនុវត្តសារក្រោយ អាចដាក់ខ្នើយមួយក្រោមផ្នែកចង្កេះ។
ចលនាទី ៣
ទម្រេតខ្លួនលើគ្រែ ឬផ្ទៃរាបស្មើ ហើយដាក់កូនកន្សែងមួយក្រោមផ្នែកករបស់អ្នក រួចលាតដៃសន្ធឹងមកក្រោម ខណៈជើងបើកឲ្យទូលាយ។ រួចដកដង្ហើមវែងៗ ស្មើៗគ្នាប្រហែល ២០ ដង នេះដើម្បីធ្វើឲ្យរាងកាយសម្រាក និងអាចចូលគេងលក់ស្រួល។
សរុបមកបើអ្នកអាចអនុវត្តចលនាសាមញ្ញនិងងាយៗទាំង ៣ ខាងលើបានជាប្រចាំ នោះនឹងធ្វើឲ្យរាងកាយ មានភាពរឹងមាំ ពង្រឹងគុណភាពសាច់ដុំ ហើយជួយឲ្យគេងលក់ស្រួល ជាពិសេសគឺសម្រកខ្លាញ់ក្បាលពោះយ៉ាងមានប្រសិទ្ធភាពដោយមិនដឹងខ្លួន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
