៤ ពេលនេះ ទោះងងុយប៉ុណ្ណាក៏កុំគេង ប្រយ័ត្នបិទភ្នែកទៅលែងក្រោកជារៀងរហូត
មិនសុទ្ធតែគ្រប់ពេល ឲ្យតែងងុយ ឲ្យតែនឿយបើកភ្នែកលែងរួច អ្នកត្រូវបណ្តោយខ្លួនឯងឲ្យបិទភ្នែកគេងនោះទេ ព្រោះក្នុងស្ថានភាពទាំង ៤ ខាងក្រោម វាពិតជាអាចប្រឈមគ្រោះថ្នាក់ធ្ងន់ធ្ងរ អាចប៉ះពាល់ដល់អាយុជីវិតរបស់អ្នកក៏ថាបាន៖
៤) ពេលស្រវឹងជោកជាំ
បន្ទាប់ពីទទួលស្រាជោកជាំ អ្នកនឹងមានអារម្មណ៍ងងុយគេង ហើយបើឃើញគ្រែ គឺដឹងតែទម្រេតខ្លួនបិទភ្នែកលក់ភ្លាមៗហើយ តែយ៉ាងណាពេលវេលានេះ មិនល្អនោះទេចំពោះសុខភាព ហើយអាចប្រឈមគ្រោះថ្នាក់យ៉ាងធ្ងន់ធ្ងរ។
អ្នកស្រវឹងជោកជាំ នៅពេលគេង អាចប្រឈមការក្អួតចង្អោរ ចាល់អាហារទៅក្នុងបំពង់ខ្យល់ ធ្វើឲ្យថប់ដង្ហើម បាត់បង់អុកស៊ីហ្សែន គាំងស្លាប់មួយរំពេចដោយមិនដឹងខ្លួន។
៣) កុំគេងពេលសក់នៅសើម
មនុស្សមួយចំនួន មានទម្លាប់ចូលគេងភ្លាមៗ បន្ទាប់ពីទើបតែកក់សក់ហើយ ឬទាំងដែលសក់របស់ពួកគេនៅសើម។ ទម្លាប់បែបនេះ អាចធ្វើឲ្យសក់រួញចូលគ្នា រលាកស្បែកក្បាល បង្កើនហានិភ័យខ្ពស់នៃជំងឺដាច់សរសៃឈាមខួរក្បាល។ អ្នកជំនាញណែនាំថា កុំកក់សក់យប់ជ្រៅពេក ហើយត្រូវសម្ងួតសក់សិនមុនចូលគេងជាចាំបាច់។
២) កុំគេងថ្ងៃច្រើនពេក
យុវវ័យជាច្រើន មានទម្លាប់គេងទាំងយប់ គេងទាំងថ្ងៃ អ្នកខ្លះទៅនៅដល់យប់ជ្រៅ ហើយទម្លាប់ខ្លួនគេងដល់ថ្ងៃត្រង់។ របៀបនេះគ្រោះថ្នាក់ខ្លាំងណាស់ ព្រោះវារំខានដល់ចង្វាក់ circadian របស់រាងកាយ។
ការគេងយប់ជ្រៅពេក ក៏ធ្វើឲ្យខូចថ្លើម និងតម្រងនោមធ្ងន់ធ្ងរ ហើយងាយនឹងបង្កើតជំងឺរ៉ាំរ៉ៃដល់រាងកាយ។ រីឯការគេងថ្ងៃច្រើនពេក លើសពី ២-៣ ម៉ោងក៏មិនជារឿងល្អដេរ ងាយនឹងធ្វើឲ្យឈឺក្បាល ប៉ះពាល់ដល់ដំណេកនៅពេលយប់ ខុសស្តង់ដារគុណភាពនៃការគេង។
១) កុំគេងពេលក្រពះឆ្អែតពេក ឬឃ្លានពេក
ពេលទទួលទានអាហារចូលពោះឆ្អែតពេក ធ្វើឲ្យរារាំងដល់សកម្មភាពនៃដំណើរការបេះដូង អាចឲ្យជួបបញ្ហាគាំងបេះដូង ទៀតសោតក៏ប្រឈមនឹងជំងឺហើមពោះ ឈឺក្រពះ។ យកល្អគួរតែទុកចន្លោះពេល ២-៣ ម៉ោងក្រោយទើបទទួលទានអាហាររួច សឹមចូលដំណេក។
រីឯការគេងទាំងនៅពោះទទេ នឹងធ្វើឲ្យជាតិស្ករក្នុងឈាមរបស់អ្នកធ្លាក់ចុះយ៉ាងងាយ នាំឲ្យភ្ញាក់ពាក់កណ្តាលយប់ អស់កម្លាំងល្ហិតល្ហៃនៅពេលគេង បើមនុស្សខ្សោយផង អាចប្រឈមគ្រោះថ្នាក់ដល់ជីវិត ឬអ្នកខ្លះទៅ ងើបមកមិនសូវស្រួលខ្លួននៅពេលព្រឹក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
