សញ្ញាត្រចៀក ៧ ប្រភេទ អាចប្រាប់ពីជោគវាសនាជីវិតបាន តើមួយណាជាទម្រង់ត្រចៀករបស់អ្នក?
តាមនរវិទ្យា រូបរាងត្រចៀករបស់មនុស្សអាចបង្ហាញពីសំណាងថា ជាអ្នកមាន ឬអ្នកក្រនៅថ្ងៃអនាគត់បាន។ សូមមើលទម្រង់ត្រចៀកទាំង ៧ ដូចខាងក្រោម តើមានមួយណាដែលត្រូវនឹងអ្នកដែរឬទេ?
១. ត្រចៀកស្ដើងទន់
អ្នកដែលមានសញ្ញាត្រចៀកបែបនេះ ច្រើនតែមានចិត្តឆេវឆាវ មិនចូលចិត្តស្ថិរភាព និងចូលចិត្តរស់នៅពឹងអ្នកដទៃ ប្រកាន់ភ្ជាប់គ្រួសារច្រើន។ ពួកគេអាចរកលុយបាន ប៉ុន្តែក៏ចាយវាយខ្ជះខ្ជាយ មិនចេះសន្សំ ហេតុដូច្នោះ មនុស្សមានត្រចៀកប្រភេទនេះ ច្រើនតែក្រទៅថ្ងៃអនាគត ងាយនឹងក្ស័យធន។ ម្យ៉ាងទៀត ពួកគេកម្រដាក់ការជឿជាក់លើអ្នកដទៃណាស់ មានតែជឿលើខ្លួនឯង ជឿលើអ្វីដែលពួកគេបានឮតែប៉ុណ្ណោះ។
២. ត្រចៀកនៅជិតក្បាល
សម្រាប់អ្នកដែលមានត្រចៀកពេញជិតស្បែកក្បាល មើលមិនឃើញ ជាមនុស្សដែលមានទ្រព្យសម្បត្តិមហាសាល។ មួយវិញទៀត មនុស្សដែលមានត្រចៀកជិតស្បែកក្បាល ច្រើនតែមកពីគ្រួសារអភិជន មានទ្រព្យសម្បត្តិបន្សល់ពីបុព្វបុរស។ ក៏ជាមនុស្សឆ្លាត មានការគិតគូរ និងមានជំនាញភាពជាអ្នកដឹកនាំ ចូលចិត្តធ្វើការជាមួយគោលដៅជាក់លាក់និងសម្រេចបាននូវភាពជោគជ័យជាច្រើនក្នុងអាជីព នៅថ្ងៃអនាគត។
៣. ត្រចៀកខ្ពស់ជាងចិញ្ចើម
មនុស្សដែលមានត្រចៀកខ្ពស់ជាងចិញ្ចើម ជាប្រភេទមនុស្សដែលមានភាពវៃឆ្លាត មានខួរក្បាលអាចបត់បែនបាន ឬអាចមានទេពកោសល្យតាំងពីក្មេង។ មនុស្សទាំងនេះមិនថាទៅសាលារៀន ឬទៅធ្វើការនោះទេ សុទ្ធតែមានស្នាដៃគួរឱ្យកត់សម្គាល់ និងត្រូវបានមនុស្សជាច្រើនកោតសរសើរ។ លើសពីនេះ ពួកគេក៏មានភាពជាអ្នកដឹកនាំ ឬអាចជាអ្នកប្រាជ្ញ សាស្រ្តាចារ្យ អ្នកជំនាញជាដើម ហើយភាពជោគជ័យដែលពួកគេមានគឺសុទ្ធតែបានមកពីការខិតខំប្រឹងប្រែង និងទេពកោសល្យផ្ទាល់ខ្លួន។
៤. ត្រចៀកធំ
អ្នកមានត្រចៀកធំ ជាមហាសេដ្ឋី មានលុយច្រើន ហើយចូលចិត្តគិតគ្រប់យ៉ាងដល់ក្នុងគ្រួសារណាស់។ ជោគវាសនាគឺបុគ្គលនឹងមានសេចក្តីចម្រើនជាទូទៅ មានប្រយោជន៍ដល់ជីវិតប្តីប្រពន្ធ មានលាភមានជ័យ និងពរជ័យច្រើន តែងតែចេះជួយអ្នកដទៃ។ផ្ទុយទៅវិញ មនុស្សដែលមានត្រចៀកតូចស្តើង ច្រើនតែមិនបានទទួលពរជ័យទេ ពួកគេនឹងបរាជ័យមិនថា ធ្វើអ្វីក៏ដោយ ប្រសិនបើពួកគេមានភាពប្រសើរជាងមុនមានតែពឹងផ្អែកទាំងស្រុងលើកម្លាំងផ្ទាល់ខ្លួនតែប៉ុណ្ណោះ។
៥. ត្រចៀកទាបជាងចិញ្ចើម
ប្រសិនបើត្រចៀករបស់អ្នកទាបជាងចិញ្ចើមនិងខ្ពស់ជាងភ្នែក មានន័យថា អ្នកគឺជាមនុស្សដែលមានជីវិតភ្លឺស្វាង មានការជឿជាក់ និងទទួលបានការគាំទ្រពីអ្នកដទៃ មានសមត្ថភាពជាអ្នកដឹកនាំល្អ មានសំណាងផ្នែកហិរញ្ញវត្ថុ ពិសេសរីកចម្រើនខ្លាំងណាស់។ ប៉ុន្តែបើទីតាំងត្រចៀកទាបពេក បុគ្គលនោះងាយនឹងមានតណ្ហា មិនសូវជោគជ័យក្នុងអាជីព និងមានតែភាពវេទនាក្នុងជីវិត។
៦. ត្រចៀកតូច
មនុស្សដែលមានត្រចៀកតូច គឺជាមនុស្សដែលមានអារម្មណ៍ល្អ ពួកគេជាមនុស្សទន់ភ្លន់ និងរសើបខ្លាំង តែងតែទន់ខ្សោយ និងងាយទទួលឥទ្ធិពលពីគំនិតរបស់អ្នកដទៃ។ មនុស្សដែលមានសញ្ញាត្រចៀកនេះ មានការវិនិច្ឆ័យមិនល្អ ខ្វះការច្នៃប្រឌិត ភាពអន្ទះអន្ទែង មិនចេះអត់ធ្មត់ និងមិនប្រុងប្រយ័ត្ន។ បើនិយាយពីលុយកាក់វិញ ពួកគេមិនមានផែនការក្នុងការសន្សំ ពេញមួយជីវិតរបស់ពួកគេ ខំធ្វើការក៏ពិបាកក្លាយជាអ្នកមានដែរ។
៧. ត្រចៀកធំក្រាស់
មនុស្សដែលមានត្រចៀកធំក្រាស់ ជាធម្មតាជាមនុស្សដែលមានជីវភាពធូរធារ មានភាពរសើប ឈ្លាសវៃ មានចំណេះដឹងជ្រៅជ្រះ ស្គាល់ភាពខុសគ្នារវាងត្រូវ និងខុស មើលឃើញគ្រប់បែបយ៉ាង មាននិស្ស័យស្ថិរភាព ធ្វើការដោយប្រុងប្រយ័ត្ន មានគំនិតច្បាស់លាស់ និងប្រឹងប្រែងធ្វើការ។
ប្រភព៖ បរទេស
ព័ត៌មានថ្មីៗ
