យីអ៊ុនបើក លាភកម្រើកឥតឈប់ បើអ្នកជាម្ចាស់បាតដៃទាំង ៤ នេះ
តាមដំណាលហោរាសាស្រ្តបានគន់គូរឃើញថា ប្រសិនអ្នកមានមួយក្នុងចំណោម បាតដៃទាំង ៤ ប្រភេទខាងក្រោម នោះតាមជើងលេខ អ្នកធ្វើការរកស៊ីអ្វីក៏នឹងរីកចម្រើនទៅមុខ ពោលដូចមានទេវតាតាមជួយថែរក្សាជាប់ជានិច្ច៖
៤) ដៃរាងឈើ
មានន័យថា ជាទម្រង់បាតដៃ ដែលមានម្រាមធំ ហើយមើលទៅដូចជាមានសាច់ដុំកង់ៗនៃផ្នត់ម្រាមនីមួយៗ។ វាជាបន្ទាត់ប្រសព្វ ដែលគេទស្សន៍ទាយថា បើកើតមកក្រ ក៏មិនក្រយូរពេកដែរ មនុស្សនេះមានស្មារតីចង់រៀន ចង់មានចង់បានតាំងពីក្មេង ដូច្នេះផ្លែផ្កាក្នុងជីវិត គឺឆាប់ដុះឃើញផលលឿនណាស់។
៣) បន្ទាត់សំណាងបង្ហាញច្បាស់
លើកបាតដៃទាំងសងខាង មើលត្រង់ខាងក្រោមម្រាមដៃនាង និងម្រាមដៃកូន បើខ្សែបាតដៃ ឃើញមានចារបន្ទាត់ត្រង់ៗគូសបង្ហាញចំ ប៉ុន្មានឆ្នូត នោះបង្ហាញថា អ្នកជាមនុស្សឆ្លាត ជីវិតនឹងសម្បូរសប្បាយ ហើយអត់ហត់នឹងធ្វើការឲ្យគេយូរពេកទេ ពោលអនាគតនឹងក្លាយជាថៅកែ មិនសូវហត់ខ្លាំង និងចាំតែកើបលុយប៉ុណ្ណោះ។
ទោះជាយ៉ាងណាខ្សែបាតដៃប្រភេទនេះ ក៏គង់តែមានជួបរឿងលំបាកខ្លះដែរក្នុងអាជីពការងារ និងការរកស៊ីក្តី តែសំខាន់បំផុតគឺមិនធំជាងការអត់ធ្មត់នោះទេ។
២) មានផ្កាយលើកយីអ៊ុន
សម្លឹងក្រោមម្រាមដៃនាង និងកូនដដែល លើខ្សែបាតដៃ បើមើលឲ្យជាក់អ្នកឃើញខ្សែខ្វែងដូចជាទម្រង់រាងផ្កាយ នោះគឺអស្ចារ្យណាស់ អ្នកជាមនុស្សដែលមាននិស្ស័យ ប្រមូលទ្រព្យតាំងពីកំណើត។
១) ប្រជ្រុយនៅបាតដៃ
អ្នកដែលមានប្រជ្រុយដុះលើបាតដៃ ជាមនុស្សមានទេពកោសល្យលេចធ្លោជាងនរណាទាំងអស់។ មនុស្សនេះ ក៏មិនខ្វល់ខ្វាយច្រើនដែរ នឹងលុយកាក់ របស់របរប្រើប្រាស់ ចំណីអាហារមានហូបចុកគ្រប់គ្រាន់តាំងពីដើមរៀងមក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
