ស្វែងរកមនុស្សស្រី ដែលរៀបការប៉ះស្វាមីកើតឆ្នាំទាំង ៣ នេះ ព្រោះអាចមានបានតជំនាន់
មនុស្សប្រុសដែលកើតឆ្នាំទាំង ៣ នេះ ជាទូទៅរមែងមានចិត្តស្រលាញ់ប្រពន្ធកូនខ្លាំងណាស់ ដូច្នេះហើយស្រ្តីណា បានពួកគេក្លាយជាស្វាមី នោះរាប់ថាសំណាងបំផុតហើយក្នុងជីវិតអាពាហ៍ពិពាហ៍៖
បុរសដែលកើតឆ្នាំជូត – កណ្តុរ
មនុស្សប្រុសកើតឆ្នាំជូត រមែងមានភាពឈ្លាសវៃ រហ័សរហួន ហើយនៅកន្លែងធ្វើការពួកគេជាមនុស្សមានទេពកោសល្យ មានភាពជាអ្នកដឹកនាំ អាចជម្នះរាល់ឧបសគ្គ ដោយមិនខ្លាចអ្វីទាំងអស់។
បុរសនេះរឹងមាំខ្លាំងដាក់អ្នកខាងក្រៅ តែជាមួយប្រពន្ធកូន គឺចិត្តត្រជាក់ដូចទឹក ដ្បិតបើសំបកក្រៅមាំ តែខាងក្នុងគឺទន់ ព្រមដាក់ចិត្ត ដាក់កាយ ចេះស្តាប់ មានការអត់ឱន អធ្យាស្រ័យឲ្យគ្នា។ ជាធម្មតាបុរសនេះ ក៏រមែងបង្កើតសំណើច និងសុភមង្គល ទៅដល់គ្រួសាររបស់គេផងដែរ ជារួមគ្រប់យ៉ាងដែលគេធ្វើ គេគិតដល់ក្រុមគ្រួសារជាធំ។
បុរសកើតឆ្នាំកុរ – ជ្រូក
ស្រ្តី ដែលរៀបការប៉ះបុរសឆ្នាំជ្រូក ក៏អាចមានសំណាងដល់ទៅ ៣ ជំនាន់បន្តគ្នាផងដែរ។ ក៏ដោយសារបុរសកើតឆ្នាំជ្រូក ជាទូទៅកើតមកមានទ្រព្យនៅនឹងដៃស្រាប់ ប៉ុន្តែវាមិនសំខាន់ខ្លាំងទេ អ្វីដែលសំខាន់ គឺគួបផ្សំនឹងទ្រព្យដែលមាន គេក៏ជាមនុស្សឧស្សាហ៍ព្យាយាម ខិតខំប្រឹងប្រែងក្នុងជីវិត មិនដេកតែចាំពឹងទ្រព្យឪពុកម្តាយឡើយ។
ហេតុនេះជួយឲ្យជីវិតគេកាន់តែមានបាន ហើយអត្តចរិតក៏ល្អផង ដូច្នេះបានបុរសនេះជាគូ ក៏ដូចមានគ្រាប់ពេជ្រចែងចាំងនៅខាងក្នុងដៃ។ ក្រោយសម្រាលបានកូនដំបូង សុភមង្គលក្នុងក្រុមគ្រួសារក៏នឹងរីកទ្វេដង ល្មមឲ្យមនុស្សជុំវិញខ្លួនច្រណែន។
បុរសកើតឆ្នាំមមែ - ពពែ
ដ្បិតមិនសូវរហ័សរហួន តែមនុស្សនេះមានការអត់ធ្មត់ និងចេះរក្សាចិត្តស្ងប់បានយ៉ាងល្អ។ គេដឹងពីវិធីធ្វើឲ្យវាជោគជ័យ គ្រាន់ថាមិនសូវរលូន តាមការដែលចង់បាននោះទេ។ យ៉ាងណាក្នុងទំនាក់ទំនងជីវិតគូ បុរសនេះប្រសព្វខាងបង្កើតភាពផ្អែមល្ហែមជារឿយៗទៅដល់ដៃគូរបស់ពួកគេ។
បន្ថែមពីនេះ គេក៏មានភាពស្ម័គ្រស្មោះ ហើយស្រលាញ់ឪពុកម្តាយក្មេក ដូចសាច់បង្កើត ដែលនាំឲ្យមនុស្សស្រីដែលជាប្រពន្ធ ទទួលអារម្មណ៍មានក្តីសុខពេញមួយទំហឹងផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
