របស់ “ក្រហម” ២ គួរញាំ និង “ស” ៣ គួរចៀសវាង ដើម្បីតម្រងនោមមានសុខភាពល្អ ចាកឆ្ងាយជំងឺក្រលៀនធ្ងន់ធ្ងរ
តម្រងនោមគឺជាសរីរាង្គដ៏សំខាន់និងស្ងប់ស្ងាត់បំផុតក្នុងរាងកាយមនុស្សម្នាក់។ ជាពិសេស នៅពេលដែលតម្រងនោមចាប់ផ្តើមមានបញ្ហា វាក៏មិនមានបញ្ចេញរោគសញ្ញាច្បាស់លាស់នៅលើរាងកាយនោះឡើយ។ ប៉ុន្តែ អំឡុងពេលដែលរាងកាយបង្ហាញរោគសញ្ញាច្បាស់លាស់ ជារឿយៗគឺមានបញ្ហាធ្ងន់ធ្ងរណាស់ ហើយការព្យាបាលក៏ពិបាកដែរ។ ដូច្នេះហើយ បើអ្នកចង់ការពារក្រលៀនឲ្យនៅមានសុខភាពល្អ អ្នកគួរតែយកចិត្តទុកដាក់បន្ថែមទៀតចំពោះអាហារដែលអ្នកញ៉ាំប្រចាំថ្ងៃនេះ។
១. របស់ “ក្រហម” ២ ប្រភេទ ដែលអ្នកគួរតែញាំជួយចិញ្ចឹមក្រលៀនឲ្យមានសុខភាពល្អ៖
-ប៉េងប៉ោះ៖ ប៉េងប៉ោះមិនត្រឹមតែមានរសជាតិឆ្ងាញ់ប៉ុណ្ណោះទេ ថែមទាំងនាំមកនូវអត្ថប្រយោជន៍ជាច្រើនដូចជា សម្រស់ ការថែរក្សាស្បែក ការសម្រកទម្ងន់ ជាពិសេស មានប្រសិទ្ធភាពប៉ូវកំលាំងតម្រងនោមយ៉ាងខ្លាំង។
ការទទួលទានប៉េងប៉ោះជាទៀងទាត់អាចធ្វើអោយមុខងារតម្រងនោមប្រសើរឡើង ជួយធ្វើឱ្យតម្រងនោមមានភាពរឹងមាំ និងកាត់បន្ថយការខូចតម្រងនោម ហើយម្យ៉ាងទៀត ប៉េងប៉ោះមានតួនាទីចិញ្ចឹម និងការពារក្រលៀន ធានាដល់សុខភាពរាងកាយ។
-Goji berries ៖ ជាឱសថដ៏មានតម្លៃដែលមានរសជាតិផ្អែម ហើយជាញឹកញាប់ត្រូវបានគេប្រើប្រាស់ដើម្បីចិញ្ចឹមថ្លើម, តម្រងនោម, ចិញ្ចឹមឈាមនិងជម្រះកាកសំណល់ ព្យាបាលជំងឺខ្សោយតំរងនោម, វិលមុខ, ចក្ខុវិស័យព្រិល, ការបង្កើតមេជីវិតឈ្មោល, ភាពគ្មានកូន។
ការទទួលទាន goji berries ជាទៀងទាត់ នឹងជួយបន្ថែមអាហារូបត្ថម្ភ បង្កើនថាមពលតម្រងនោម បង្កើនល្បឿនចរាចរឈាមក្នុងតម្រងនោម និងមានប្រសិទ្ធិភាពបំប៉នតម្រងនោម និងការពារតម្រងនោម ធ្វើឲ្យភ្នែកមានសុខភាពប្រសើរ ល្អចំពោះសុខភាព។
២. របស់ "ស" ៣ ប្រភេទ គួរកាត់បន្ថយព្រោះអាចធ្វើឲ្យខូចក្រលៀន៖
-អំបិល៖ នេះគឺជាគ្រឿងទេសដ៏ពេញនិយមបំផុតមួយនៅក្នុងផ្ទះបាយ។ អំបិលផ្តល់ជាតិសូដ្យូមសំខាន់ដល់រាងកាយ ប៉ុន្តែប្រសិនបើអ្នកប្រើអំបិលច្រើនពេកនៅក្នុងខ្លួននឹងបង្កើនបន្ទុកលើតម្រងនោម បណ្តាលឱ្យខូចតម្រងនោម និងនាំឱ្យមានជំងឺតម្រងនោម។
ចំពោះអ្នកមានជំងឺតម្រងនោម បើញ៉ាំអាហារប្រៃជាប្រចាំ មិនយូរមិនឆាប់នឹងបង្កើនទៅជាជំងឺសាហាវ។ ដូច្នេះហើយ អ្នកត្រូវគ្រប់គ្រងបរិមាណអំបិលក្នុងអាហារប្រចាំថ្ងៃរបស់អ្នក ដើម្បីការពារក្រលៀន និងសរីរាង្គផ្សេងៗក្នុងរាងកាយឲ្យមានសុខភាពល្អ។
-គ្រឿងស្រវឹង៖ ការផឹកស្រាច្រើនបង្កើនហានិភ័យនៃជំងឺតម្រងនោម ដោយសារតម្រងនោមទទួលខុសត្រូវក្នុងការច្រោះ និងយកជាតិពុលចេញពីចរន្តឈាម ការផឹកស្រាច្រើននឹងកាត់បន្ថយសមត្ថភាពរបស់តម្រងនោមក្នុងការបំពេញមុខងារនេះ។ មិនត្រឹមតែប៉ុណ្ណោះ ការផឹកស្រាច្រើនក៏បង្កើនសម្ពាធឈាម ដែលជាមូលហេតុទូទៅនៃជំងឺតម្រងនោមផងដែរ។
-ស្ករស៖ ស្ករគឺជាប្រភពអាហារូបត្ថម្ភមួយដែលរាងកាយរបស់មនុស្សត្រូវការប្រើប្រាស់ជាចាំបាច់ ដែលបង្កើតដោយអុកស៊ីតកម្មនៃជាតិស្ករដើម្បីរក្សាមុខងារធម្មតា។ ទោះជាយ៉ាងណាក៏ដោយ ការទទួលទានជាតិស្ករច្រើនពេកក៏អាចបង្កគ្រោះថ្នាក់ដល់សុខភាពជាក់ជាមិនខានឡើយ។
ការទទួលទានជាតិស្ករច្រើនធ្វើឱ្យកម្រិតជាតិស្ករក្នុងឈាមកើនឡើង មានបរិមាណខ្ពស់នៃអាស៊ីត oxalic ដែលផលិតនៅក្នុងតម្រងនោម។ ការរួមបញ្ចូលគ្នានៃអាស៊ីត oxalic និងកាល់ស្យូមនឹងបង្កើតជាកាល់ស្យូម oxalate ដែលបង្កើនបន្ទុកលើតម្រងនោម។ ដូច្នេះ អ្នកមិនគួរញ៉ាំស្ករច្រើនពេកទេ។
ប្រភព៖ បរទេស
ព័ត៌មានថ្មីៗ
