ការងាររកស៊ីម្ចាស់ឆ្នាំ ៤ នឹងរីកផ្លែផ្កា ធ្លាក់ដុល្លារចូលពេញហោប៉ៅ នៅ ២ ឆ្នាំ បន្ទាប់
បើតាមហោរាសាស្ត្របានគន់គូរឃើញថា នៅរយៈពេល ២ ឆ្នាំតទៅមុខ អ្នកកើតឆ្នាំទាំង ៤ ខាងក្រោម នឹងអាចសម្រេចការងារ របររកស៊ីកើតជាផ្លែផ្កាជោគជ័យធំ ផ្តុំសុទ្ធតែដុល្លារធ្លាក់ចូលពេញហោប៉ៅ។ តោះទៅមើលខាងក្រោម តើមានឆ្នាំរបស់បងប្អូនយើងដែរឬទេ?
អ្នកកើតឆ្នាំច – ឆ្កែ
ល្អគ្រប់វិស័យ មិនថាការងារក្តី របររកស៊ីក្តី បើប៉ះមនុស្សមានសមត្ថភាពខ្ពស់ផង នោះប្រាកដជាទទួលបានផ្លែផ្កាធំមិនខាន។ អ្វីៗនឹងដំណើរការទៅមុខយ៉ាងរលូន ហើយមានច្រកមានឱកាសច្រើនក្នុងការបោះជំហានឆ្ពោះទៅមុខ សម្រាប់ជីវិតម្ចាស់ឆ្នាំច។
នៅ ២ ឆ្នាំខាងមុខ សញ្ញារាសីចក្រម្ចាស់ឆ្នាំច នឹងឈានដល់ចំណុចកំពូល ដោយល្អទាំងទ្រព្យ ល្អទាំងគូគាប់ភ្ជាប់និស្ស័យក៏បានជួបមនុស្សល្អដូចគ្នា មកបញ្ឆេះភ្លើងស្នេហ៍ថែមទៀត។ បន្ថែមគុណភាពនៃបុណ្យ ចូរអ្នកបន្តធ្វើអំពើល្អ បន្តចិត្តសប្បុរសធម៌ដែលកំពុងមាន សាយភាយឲ្យកាន់តែធំទូលាយជាងនេះ។
អ្នកកើតឆ្នាំរកា - មាន់
ក្នុងចំណោមឆ្នាំទាំង ១២ ម្ចាស់ឆ្នាំមាន់ ក៏ជាបុគ្គលស្លូតបូត ស្មោះត្រង់ មានគុណធម៌ និងទេពកោសល្យព្រះប្រទានពីកំណើតមក។ គ្រោះរាំងស្ងួត របួសចាស់ទាំងឡាយ ដែលបានឈឺចាប់នៅឆ្នាំ ២០២២ ក៏នឹងត្រូវបញ្ចប់ត្រឹមពេលវេលាទៅមុខ ពោលយ៉ាងយូរផុត ២ ឆ្នាំ ជីវិតម្ចាស់ឆ្នាំរកា នឹងដូចប្រមូលបានផលជាច្រើនក្នុងជីវិត។
ក៏ជួបតែសុភមង្គល សមិទ្ធផលកើតឡើងធំមិនអាចកាត់ថ្លៃបាន ល្មមឲ្យមនុស្សជុំទិសមានការគោរព និងកោតសរសើរដល់ជីវិតរបស់អ្នក។ នេះខិតខំតាំងពីបាតដៃទទេ ទម្រាំបានផលជាដុំកំភួន ដូចហៀបនឹងកើតឡើងនៅប៉ុន្មានឆ្នាំខាងមុខ ពោលមិនមែនសុខៗសំណាងធ្លាក់មកនោះទេ។
អ្នកកើតឆ្នាំមមី - សេះ
តែងតែមានសេចក្តីប្រាថ្នា ក្តីស្រមៃធំមួយជាប់ក្នុងចិត្ត ហើយចាំមើលចុះនៅ ២ ឆ្នាំខាងមុខ ក្នុងចំណោមក្តីស្រមៃអស់នោះ វានឹងសម្រេចបាន។ ក៏អរគុណនូវភាពរឹងមាំ ភាពជាអ្នកដឹកនាំ ដែលអ្នកមានតាំងតែពីនៅក្មេង ពោលអ្នករាប់អានមនុស្ស សេពគប់មនុស្សគឺអ្នកមើលយ៉ាងល្អិតល្អន់។
តាមហោរាសាស្ត្ររាសីម្ចាស់ឆ្នាំមមី នឹងឆ្លងអស់ភាពវក់វី ហើយហុចឡើងទៅលើ ប្រមូលលុយចូលក្រាស់កាបូប។ អនាគតពេលទៅមុខសម្រាប់ម្ចាស់ឆ្នាំមមី នឹងដល់ផ្ទះសល់ដីធ្លី ជាប់ជាឈ្មោះរបស់ខ្លួន ក៏រាប់ជាជោគជ័យធំមួយមុនអាយុ ៤៥ ឆ្នាំ។
អ្នកកើតឆ្នាំឆ្លូវ – គោ
ជាមនុស្សឧស្សាហ៍ព្យាយាម តែភាពខិតខំនោះ ក៏បានតបជាផលត្រលប់មកវិញ សក្តិសមនឹងញើសឈាមដែលបានស្រក់ នៅរយៈពេល ២ ឆ្នាំខាងមុខ។ ពេលដ៏ខ្លីនេះ ដូចបានធ្លាក់សំណាងពីឋានសួគ៌ សឹងតែខ្លួនឯងមិនចង់ជឿផង ថាអាចមានបានយ៉ាងឆាប់រហ័ស តែបើមើលថយក្រោយជារួមទៅ អ្នកក៏បានខិតខំខ្លាំងណាស់ដែរ។
នៅដំណើរការការងារ ឲ្យតែអ្នកប្រឹងអស់ពីសមត្ថភាព នោះថ្នាក់លើនឹងមិនមើលរំលងឡើយ ហើយប្រាកដជាហ៊ានផ្តល់ឲ្យអ្នកច្រើនជាងបុគ្គលិកដទៃ។ រីឯការរកស៊ី អ្នកនឹងប្រមូលបានហួសពីទុនដែលបានដាក់ ហើយសល់ប្រាក់ចំណេញមកវិញគរដូចភ្នំ។ ចុងក្រោយសម្រាប់ជីវិតគូ បើអ្នកនៅលីវ នោះក៏នឹងប្រទះទំនាក់ទំនងដែលមិនបានកំណត់ជាមុន នាំឲ្យក្លាយជាគូ កើតជាសុភមង្គលពេញលក្ខណៈមួយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
