សប្តាហ៍ថ្មី ២-៨ មករា ម្ចាស់ឆ្នាំ ៣ រាសីឡើងកប់ពពក ដូចបានប្រទះកំណប់មាសប្រាក់
វាសនាមនុស្សឡើងចុះមិនស្ថិតស្ថេរទេ ហើយមិនជឿក៏មិនបានដែរ ព្រោះកន្លងមក Knongsrok បានចែករំលែកការទស្សន៍ទាយត្រូវដល់បងប្អូនជាច្រើនមកហើយ។ បន្តទៅរយៈពេល ៧ ថ្ងៃចន្លោះ សប្តាហ៍ថ្មី ខែថ្មី ឆ្នាំថ្មីនេះ ចំទី ២ ដល់ទី ៨ មករា មានមហាឆ្នាំទាំង ៣ ដែលរាសីឡើងខ្ពស់កប់ពពក ដូចបានប្រទះកំណប់មាសប្រាក់៖
អ្នកកើតឆ្នាំច – ឆ្កែ
ជាជំពូកមនុស្សស្ងប់ស្ងាត់ បើសប្បាយក៏មិនសប្បាយអស់ពីខ្លួន បើកើតទុក្ខ ក៏ចូលចិត្តលាក់មិនឲ្យគេដឹង។ ជាងនេះ ចំណាំមើលចុះ ម្ចាស់ឆ្នាំច ឆាប់ខឹងក៏ឆាប់បាត់ទៅវិញដែរ ពោលមិនចេះរក្សាកំហឹងទុកនឹងខ្លួនយូរឡើយ។
នៅពេលវេលា ៧ ថ្ងៃដែលទេវតាចារពីខាងលើ គឺអាចឲ្យជីវិតអ្នកប្រទះឱកាសល្អច្រើនក្នុងជីវិត អាចដើរទៅមុខយ៉ាងរលូន លុយកាក់ចូលឥតខ្វះចាយ រីឯការចំណាយក៏តិច បូកចំណូលហូរចូលច្រើន នាំឲ្យសល់លុយទិញបានទ្រព្យធំ នាពេលបន្ទាប់ក៏ថាបាន។
អ្នកកើតឆ្នាំជូត – កណ្តុរ
ជាមនុស្សដែលមានអត្តចរិតឯករាជ្យ ឈ្លាសវៃ ហើយដឹងពីរបៀបក្រោកឈរឡើងដោយខ្លួនឯង។ កម្រម្ចាស់ឆ្នាំជូត កើតមកក្នុងត្រកូលអ្នកមានណាស់ ពោលតែងតែចាប់ផ្តើមជាមួយជីវភាពក្រលំបាក ឬមធ្យមអស់ធំហើយ។
យ៉ាងណាពីមួយឆ្នាំទៅមួយឆ្នាំ អ្នកកើតឆ្នាំជូត បានកើតមានការប្រែប្រួលវិជ្ជមានជាបន្តបន្ទាប់ ហើយតាមក្បួនហោរាសាស្រ្តមើលឃើញថា ម្ចាស់ឆ្នាំខាងលើ នៅចន្លោះ ៧ ថ្ងៃរាប់ពីថ្ងៃទី ២ ដល់ ៨ មករា នោះនឹងអាចជម្នះអស់រាល់ការលំបាក បញ្ហាទាំងឡាយត្រូវបានដោះស្រាយ ហើយដូចមានទេវតាទ្រព្យ ប្រោសសម្បត្តិប្រាក់ សម្បត្តិមាស ជួយឲ្យជីវិតអ្នកឆ្ពោះឡើងខ្ពស់ត្រដែត។
អ្នកកើតឆ្នាំថោះ - ទន្សាយ
មកដំណាលដល់ម្ចាស់ឆ្នាំថោះ គឺមានសំណាងខ្លាំងនៅចន្លោះ ៧ ថ្ងៃដូចយើងបង្ហាញពីខាងលើ ដោយមានទ្រព្យធំចូលផ្ទះ នាំឲ្យចម្រុងចម្រើនត្រជាក់ត្រជំពេញមួយគ្រួសារ។
ខណៈនេះ ក៏អ្នកទំនងទទួលបានការជ្រោមជ្រែងពីអ្នកមានបុណ្យ ពីវិញ្ញាណល្អ ទាញឲ្យអ្នកទៅជួបតែក្តីសុខ ជួបតែកន្លែងបណ្តុំដោយលុយកាក់ នាំឲ្យជីវិតមានការអភិវឌ្ឍ បោះទៅជំហានថ្មី ពោលជាឱកាសធំកម្រនឹងប្រទះប្រចាំខែនីមួយៗ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
