ជ្រើសរើសរូបគូស្នេហ៍មួយ ដើម្បីដឹងថា តើម្នាក់នោះ កំពុងគិតអ្វីមកលើអ្នក?
ផ្ញើទៅកាន់អ្នកដែលកំពុងស្ថិតក្នុងស្នេហាច្បាស់លាស់ក្តី ឬស្នេហាស្រពិចស្រពិលក្តី សូមជ្រើសរើសនូវរូបភាពគូស្នេហ៍មួយគូ ដើម្បីឲ្យយើងទាយដឹងថា តើដៃគូរបស់អ្នក ឬមនុស្សដែលអ្នកកំពុងលួចស្រលាញ់ ខណៈនេះ បានគិតបែបណាខ្លះមកលើអ្នក?
គូស្នេហ៍ ៨៨៨
មិនថាតែគេនោះ ជាបុរសឬ នារី បាននឹងដក់ជាប់ចិត្តមកលើអ្នក គ្រាន់តែគេជាមនុស្សស្ងៀមស្ងាត់មិនសូវចេះ និយាយ ហេតុនេះមិនសូវបានបង្ហាញអារម្មណ៍ចំៗមកកាន់អ្នកឡើយ។ តែយ៉ាងណាគេជាមនុស្សចាស់ទុំ ដែលបានគិតគូរល្អិតល្អន់ពីអនាគតទៅមុខ ដូច្នេះមានរឿងអ្វី ក៏គេនឹងមិនងាយលែងដៃអ្នកដែរ។
បើទោះបីពេលនេះកំពុងក្លាយជាគូស្នេហ៍នឹងគ្នាហើយក៏ដោយ ក៏អ្នកនឹងមិនទទួលបានភាពផ្អែមល្ហែមឥតខ្ចោះនោះដែរ ដូចបានបញ្ជាក់ពីខាងដើម គេមិនជាមនុស្សនិយាយស្តីច្រើន ឬពូកែយកចិត្តអ្វីទេ ក៏ប៉ុន្តែគេមានចិត្តស្មោះត្រង់នឹងអ្នក ហើយក៏មិនធ្លាប់គិតអាក្រក់អ្វីមកលើអ្នកដែរ។
គូស្នេហ៍ ៩៩៩
ជាការជ្រើសយកមិនសូវល្អប៉ុន្មានទេ ព្រោះដៃគូស្នេហារបស់អ្នក ហាក់មានការសង្ស័យរឿងអ្វីមួយ គ្រាន់តែគេមិនហ៊ានសួរនាំចំៗ ឬរង់ចាំពេលវេលាល្អណាមួយ ដើម្បីសួរអ្នកដោយផ្ទាល់។ បើជាស្នេហា ឬទើបការចាប់ផ្តើមថ្មីថ្មោង រវាងអ្នកទាំងពីរ ហាក់មិនទាន់មានការជឿជាក់ ឬស្គាល់ពីគ្នាច្បាស់ឡើយ នាំឲ្យម្ខាងទៀត ចេះតែគិតនេះ គិតនោះ មិនស្ងប់ចិត្តទាល់តែសោះ។
ចូរអ្នកធ្វើការរំឭកឡើងវិញ នូវរាល់សកម្មភាព ការនិយាយស្តីទាំងឡាយ ថាអ្នកបានធ្វើអ្វីដែលមើលទៅខុសឆ្គង ឬប៉ះពាល់អារម្មណ៍របស់គេដែរទេ បើនឹកឃើញហើយ ក៏កុំធ្វើមិនដឹងអី ចូរទៅដោះស្រាយវាភ្លាមទៅ។ ម្យ៉ាងវិញទៀត រៀនបើកចិត្តនិយាយទៅកាន់គ្នាម្តងបន្តិច អំពីចំណូលចិត្ត អត្តចរិត មិនចូលចិត្តអ្វី ស្អប់អ្វី បើកចិត្តនិយាយទៅ ទើបអាចរឹងបន្តឹងចំណងស្នេហានេះឲ្យបានយូរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
