ជីវិតរបស់មនុស្សយើងម្នាក់ៗមានការផ្លាស់ប្តូរលឿនខ្លាំងណាស់ ខ្លះក៏ពីចំណុចទាបទៅខ្ពស់ ខ្លះក៏ពីខ្ពស់មកទាប ដែលវាមិនស្ថិតស្ថេរឡើយ។ យ៉ាងណានៅចុងសបា្តហ៍នេះ ២៤/២៥ ធ្នូ ចំចូលបុណ្យណូអែល យើងសូមធ្វើការតេស្តបែបវិទ្យាសាស្រ្ត តាមរយៈការជ្រើសរើសស្លឹកឈើមួយ ដើម្បីទស្សន៍ទាយថា អ្នកអាចនឹងជួបរឿងអ្វីនៅពេលខាងមុខ?
ស្លឹកឈើទី ១
នឹងមានរឿងរ៉ាវណាមួយកើតឡើងនៅពេលខាងមុខ ដែលទាមទារឲ្យអ្នកមានការអត់ធ្មត់ ហើយសូមរក្សាភាពស្ងៀមស្ងាត់ និងកុំអស់សង្ឃឹមឲ្យសោះ អ្នកនឹងអាចដោះស្រាយវាបាន។
បន្ទាប់ពីឧបសគ្គខាងមុខឆ្លងផុត នោះក៏ដូចមានទេវតាប្រោសសងមកវិញ នូវភាពរីករាយមកក្នុងជីវិត ពោលក្រោយភ្លៀងមេឃស្រឡះ ទាំងទ្រព្យមាសទ្រព្យប្រាក់ ក៏កំណត់ហូរចូលមកវិញ។ ត្រូវចាំថា សារនេះ មិនមែនជាការខាត់បងធំអ្វីឡើយ ពោលគ្រាន់ជាកម្ទេចគ្រោះប៉ុណ្ណោះឯង។
ស្លឹកឈើទី ២
ការជួបជុំជាមួយមនុស្សពីអតីតកាលកំពុងរង់ចាំអ្នក ប្រហែលជាមនុស្សដែលធ្លាប់មានទំនាក់ទំនងពិសេសជាមួយ ឬដំណឹងល្អណាមួយ ដែលវាក៏ធ្លាប់កើតមានកាលពីអតីតកាល។ សារនេះចូរចាប់យកឲ្យបានល្អផង ជាពិសេសមនុស្សដែលអ្នកបម្រុងនឹងជួបនាពេលខាងមុខ ចូរប្រយ័ត្នពាក្យសម្តី ព្រោះបុគ្គលម្នាក់នេះ គេមានបំណងល្អ គេបម្រុងនឹងនាំសំណាងល្អមកដល់អ្នកទេ។
ស្លឹកឈើទី ៣
រឿងរ៉ាវស្នេហាបែបរ៉ូមេនទិក និងក្តីសុខបំផុតកំពុងរង់ចាំអ្នក ហើយប្រហែលជាមនុស្សដែលជាទីស្រលាញ់របស់អ្នកគេមានការផ្តល់ជូននូវអ្វីភ្ញាក់ផ្អើលមួយសម្រាប់អ្នក។ វានឹងញាំងឲ្យបរិយាកាសស្នេហារបស់អ្នកកាន់តែស៊ីជម្រៅ ឈានដល់កម្រិតមួយទៀតផងដែរ។
ចូរថែមនុស្សកំពុងក្បែរខ្លួនឲ្យបានល្អផង ព្រោះម្នាក់នេះ ជាអ្នកស្រលាញ់អ្នកពិតប្រាកដ បារម្ភ និងមិនធ្លាប់ចង់បានអ្វីតបស្នងពីអ្នកវិញឡើយ។ ក៏ប៉ុន្តែបើអ្នកយកស្លឹកឈើទី ៣ មិនទាន់មានគូ ក៏ទំនងនឹងបានគូគាប់ភ្ជាប់និស្ស័យនាចន្លោះសប្តាហ៍ថ្មីនេះ។
ស្លឹកឈើទី ៤
នេះបានបង្ហាញមកថា ភាពអស្ចារ្យនៃជីវិតទាក់ទិននឹងមិត្តភាព ទំនាក់ទំនងជាមួយនរណាម្នាក់ នឹងលេចចេញមកនៅពេលដ៏ខ្លីខាងមុខ។ វាអាចថាជាមនុស្សថ្មីណាម្នាក់ ឬមនុស្សដែលអ្នកខានជួបយូរមកហើយនោះ គេលេចវត្តមានមកក្នុងជីវិតអ្នក ហើយគេនឹងត្រួសត្រាយនាំអ្នកឲ្យបានឃើញពីទស្សនៈល្អថ្មីៗសម្រាប់ជីវិត។
បើស៊ីជម្រៅទៅមនុស្សថ្មីនេះ នឹងអាចផ្លាស់ប្តូរជីវិតរបស់អ្នកបាន ហើយគេនាំភាពវិជ្ជមានច្រើនជាងអវិជ្ជមាន តែទោះយ៉ាងណាក៏កុំបើកបេះដូងធំពេក ចូរមើលឲ្យបានល្អិតល្អន់ផង៕
ប្រភព៖ បរទេស | ប្រែសម្រួល៖ ក្នុងស្រុក