រើសរូបភាពមួយ ដើម្បីទស្សន៍ទាយដឹងថា ៧ ថ្ងៃខែថ្មីមករា អ្នកនឹងជួបរឿងអ្វី?
តើអ្នកជឿលើវាសនា និងការរៀបចំទុកជាមុននៃជីវិតដែរទេ? ការពិតទៅគឺវាអាចកើតមានពិតមែន ដោយអ្នកគ្រាន់តែជ្រើសរើសនៅរូបព្រះមួយ ក្នុងចំណោមព្រះទាំង ៤ អង្គ នោះអ្នកនឹងអាចដឹងបាន ថានឹងមានរឿងអ្វីកើតឡើងទៅលើអ្នកក្នុងកំឡុងដើមខែមករា ចំឆ្នាំថ្មី ២០២៣ រាប់ពីថ្ងៃទី ០១ ដល់ទី ០៧ មករា៖
ព្រះអង្គទី ១
អ្នកនឹងទទួលបានភាពជោគជ័យក្នុងទំនាក់ទំនងស្នេហា នៅពេលខាងមុខ ដែលអាចថា មនុស្សដែលអ្នករង់ចាំ គេនឹងរំលេចវត្តមានមកហើយ។
បើអ្នកឯកោពេលនេះ ត្រូវចាំថាមិនយូរទៀតនោះទេ ពេលវេលានៃការគូគ្រងជាមួយដៃគូជីវិត នឹងរំលេចមកដល់ឆាប់ៗនេះ នៅវេលាឆ្នាំថ្មី ២០២៣។
ព្រះអង្គទី ២
សំណាងគឺកំពុងរង់ចាំអ្នកនៅផ្លូវខាងមុខនាខែមករានេះ ដោយអាចជាអ្នកនឹងជួបដំណឹងល្អលើផ្នែកហិរញ្ញវត្ថុ។ អាចថារយៈពេលប៉ុន្មានថ្ងៃទៅមុខទៀត អ្នកនឹងទទួលបានអំណោយ ឬរបស់មានតម្លៃណាមួយ។ រាល់ការផ្សងសំណាងរបស់អ្នកនៅពេលនេះ នឹងជួយអ្នកឲ្យមានឱកាសទទួលបានលាភច្រើន។
ព្រះអង្គទី ៣
រង្វិលនៃសំណាងបានវិលមករកអ្នកទៀតហើយ ដោយនៅពេលខាងមុខនេះ ដ្បិតបើអ្នកជួបបញ្ហាអ្វីក៏ដោយ ក៏វានឹងត្រូវបានដោះស្រាយ ហើយខ្លះប្រែក្លាយទៅជាលាភសម្រាប់អ្នកវិញក៏មាន។ កុំខ្លាចនឹងការប្រឈមបញ្ហានៅពេលខាងមុខ ចូរដោះស្រាយវាតាមវិធីល្អបំផុតរបស់អ្នក។
ព្រះអង្គទី ៤
បើអ្នកជា អ្នកបំពេញការងារនៅស្ថាប័នណាមួយ ចាំតែមើលចុះ នៅសប្តាហ៍ថ្មីខាងមុខ នឹងមានការទទួលភារកិច្ចថ្មីចូលមក ដែលវារាងហត់បន្តិចមែន តែជាឱកាសសម្រាប់អ្នកក្នុងការរីកមុខមាត់ និងសាយភាយគុណភាពរបស់ខ្លួនឯងទៅកាន់ថ្នាក់លើឲ្យបានឃើញកាន់តែច្បាស់។
ចំណែកឯអ្នករកស៊ី នឹងទទួលបានអតិថិជនចូលពេញៗហាង បើអ្នកលក់ដូរទំនិញ Online នោះក៏នឹងមានគេកុម្ម៉ង់ បញ្ជាទិញច្រើន ខុសពីសប្តាហ៍មួយដង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
