ចងចាំគេឱ្យច្បាស់! មនុស្សដែលតែងប្រព្រឹត្ត ៣ យ៉ាងនេះចំពោះអ្នក
បើអាចជួបមនុស្សទាំងនេះក្នុងជីវិតរបស់អ្នក សូមថែរក្សា និងដឹងគុណពួកគេ កុំរមិឡគុណ កុំបំភ្លេចេពួកគេឱ្យសោះ ព្រោះមនុស្សដែលអាចប្រព្រឹត្តិចំពោះអ្នកនូវ ៣ ចំណុចនេះ បាន ក៏មានន័យថា ពួកគេស្រឡាញ់ និងឱ្យតម្លៃចំពោះអ្នកណាស់។
១. បំពេញតាមសំណើទាំងអស់ មិនដែលបដិសេធអ្នកឡើយ
លើលោកនេះគ្មានអ្វីច្បាស់លាស់ទេ កុំគិតថាអ្នកដទៃត្រូវប្រព្រឹត្តល្អចំពោះអ្នក គិតឱ្យបានពីរដងទៅ គ្មាននរណាម្នាក់ជំពាក់អ្នកទេ ទោះបីអ្នកនៅម្នាក់ឯង នោះជារឿងធម្មតា។ អ្នកត្រូវតែយល់ថា មនុស្សមិនចាំបាច់ឱ្យតម្លៃអ្នកទេ ជួយអ្នកជាគុណគេ ជួយគេ ជាសេចក្ដីល្អរបស់អ្នក។
មនុស្សដែលអាចជួយអ្នកដោយគ្មានលក្ខខណ្ឌ គឺកម្រណាស់។ មនុស្សភាគច្រើនដែលអ្នកជួប គឺគ្មានអារម្មណ៍ ពួកគេនឹងមិនព្យាយាមជួយអ្នកនៅពេលដែលអ្នកត្រូវការវានោះទេ។ ហើយគេមិនខ្វល់នឹងធ្វើបាបអ្នកឡើយ។ មនុស្សកម្រដែលជួយអ្នក គឺជាមនុស្សដែលមានតម្លៃក្នុងជីវិតរបស់អ្នក។ អ្នកគួរឱ្យតម្លៃមនុស្សបែបនេះ ហើយចងចាំពីចិត្តសប្បុរសរបស់គេចំពោះអ្នកជានិច្ច។
២. ផ្តល់ឱ្យអ្នកនូវឯកសិទ្ធិ អនុញ្ញាតឱ្យអ្នកត្រូវបានចាត់ទុកខុសគ្នា
នៅក្នុងការប្រាស្រ័យទាក់ទងគ្នារវាងបុគ្គល អ្នកនឹងដឹងថា មនុស្សជាច្រើនគ្រាន់តែជាមិត្តភ័ក្តិដែលមិនគួរឱ្យទុកចិត្តនៅគ្រាសំខាន់។ នោះមានន័យថា ពួកគេអាចចែករំលែកពរជ័យ ប៉ុន្តែមិនអាចចែករំលែកទុក្ខលំបាកជាមួយនឹងអ្នកបានទេ។
ពេលអ្នកមានរបស់ឆ្ងាញ់ញុំា មិនខ្វះទេ មនុស្សដែលចង់ញុំាជាមួយនឹងអ្នក ប៉ុន្តែនៅពេលដែលអ្នកមានបញ្ហា មនុស្សច្រើនណាស់ បានដកខ្លួនចេញ។ និយាយឱ្យត្រង់ទៅ អ្នកអាចមើលឃើញមនុស្សយ៉ាងច្បាស់នៅពេលដែលអ្នកមានបញ្ហា។
ប្រសិនបើអ្នកជួបនរណាម្នាក់ដែលផ្តល់ឱ្យអ្នកនូវឯកសិទ្ធិ ប្រព្រឹត្តចំពោះអ្នកខុសពីអ្នកដ៏ទៃ ស្រឡាញ់ពួកគេ។ នៅលើផ្លូវជីវិត មនុស្សដែលអ្នកអាចរាប់អានអ្នកពិសេស គឺជាមនុស្សមានតម្លៃរបស់អ្នក អ្នកគួរតែស្រលាញ់ទំនាក់ទំនងដែលបានកំណត់ទុកជាមុននេះ។
៣. ចូលចិត្តស្តាប់ ហើយមិនរំខាននៅពេលអ្នកនិយាយ
មនុស្សដែលគោរពអ្នកនឹងខ្វល់ពីអារម្មណ៍របស់អ្នក។ ពួកគេមិនចង់ឱ្យអ្នកឈឺចាប់ទេ ហើយតែងតែស្តាប់នូវអ្វីដែលអ្នកចង់និយាយ។ រាល់ពេលដែលអ្នកចែករំលែករឿងគួរឱ្យចាប់អារម្មណ៍ជាមួយគាត់ គាត់នឹងពិភាក្សាជាមួយអ្នក ហើយបង្ហាញចំណាប់អារម្មណ៍យ៉ាងខ្លាំង សង្ឃឹមថាលើកក្រោយអ្នកអាចប្រាប់គាត់យ៉ាងសកម្ម នូវអ្វីដែលអ្នកគិតថាគួរឱ្យចាប់អារម្មណ៍។ មិនត្រឹមតែប៉ុណ្ណឹងទេ គាត់ក៏សុខចិត្តស្តាប់រឿងដែលអ្នកមិនចូលចិត្តពីជីវិតរបស់អ្នកផងដែរ។
ជីវិតពិតជាជូរចត់ និងផ្អែមល្ហែម។ បុគ្គលដែលត្រៀមនឹងនៅជាមួយអ្នកគ្រប់ពេលវេលា សុខចិត្តរីកចំរើនជាមួយអ្នក សូមជូនពរឱ្យជីវិតកាន់តែប្រសើរឡើង។ នោះគឺជាមិត្តល្អបំផុតរបស់អ្នក៕
ប្រភព ៖ បរទេស / Knongsrok
ព័ត៌មានថ្មីៗ
