មនុស្សប្រុសទាំង ៥ ប្រភេទនេះ សាវាណាស់ យល់ល្អ មុននឹងជ្រើសជាគូ គួរតែមើលឱ្យច្បាស់ទៅស្រីៗ
មនុស្សប្រុសទាំង ៥ ប្រភេទនេះ ភាគច្រើនសាវាណាស់ បើមានដៃគូជីវិត ពួកគេមិនងាយស្មោះមួយនឹងមួយឡើយ តែងតែធ្វើឱ្យប្រពន្ធកូនទឹកភ្នែក ព្រោះតែការផិតក្បត់របស់ពួកគេ។ យ៉ាងណាមិញ មុននឹងជ្រើសយកនរណាម្នាក់ជាគូ ស្រីៗគួរតែមើលមុខមើលក្រោយ ហើយពិចារណាឱ្យបានល្អិតល្អន់កុំឱ្យស្ដាយទៅថ្ងៃក្រោយ។
១. មនុស្សប្រុសមិនធ្លាប់លំបាក
បុរសដែលមានសុភមង្គលក្នុងវ័យក្មេង កើតមកជាកូនអ្នកមាន មានជីវិតស្រណុកស្រួល មានសេរីភាព ដើរលេងសប្បាយរាល់ថ្ងៃ មិនដែលលំបាកសោះ មនុស្សប្រុសបែបនេះ ច្បាស់ជាមិនសូវជាឱ្យតម្លៃលើសេចក្ដីសុខ និងសុភមង្គលជីវិតគូឡើយ។
ដូច្នេះហើយ មនុស្សប្រភេទនេះ ក្នុងអាពាហ៍ពិពាហ៍ទំនងជាមិនអាចធ្វើជាប្ដីល្អបានឡើយ។ ពួកគេតែងតែធ្លាប់ត្រូវបានគេបម្រើ និងមើលថែពីអ្នកដទៃ ដូច្នេះពួកគេមិនដែលខ្វល់ពីអ្នកដទៃឡើយ។ បើជួបនឹងការលំបាក ពួកគេនឹងចុះចាញ់យ៉ាងឆាប់រហ័ស ដោយគ្មានឆន្ទៈតស៊ូទៅមុខទេ។
២. មនុស្សប្រុសមានមន្តស្នេហ៍
បុរសដែលមានទម្លាប់ចែចង់ ចូលចិត្តលេងល្បែងស្នេហា ព្រោះតែមន្តស្នេហ៍របស់ពួកគេ តែងតែមានមនុស្សស្រីដេញតាមជានិច្ច។ ប្ដីប្រភេទនេះ នឹងមិនបោះបង់ចោលចំណូលចិត្តរបស់ខ្លួនឡើយ ហើយតែងតែចែចង់ស្រីៗគ្រប់កន្លែង ភ្លេចថាខ្លួនមានប្រពន្ធកូន។ ពួកគេតែងតែចូលចិត្តយកឈ្នះស្ត្រី ដើម្បីបំពេញភាពស្រេកឃ្លានរបស់ពួកគេ។
៣. មនុស្សប្រុសដែលមើលទៅពូកែរកលុយ
មនុស្សប្រុសហាក់មានមុខមាត់ស្រស់ស្អាត ត្រូវបានមនុស្សស្រីចាប់អារម្មណ៍។ ម៉្យាងវិញទៀត បុរសសង្ហាតែងតែយកចិត្តទុកដាក់លើរូបរាងរបស់ពួកគេ ទើបត្រូវបាននារីៗជាច្រើនប្រាថ្នាចង់បាន។ បុរសដែលមានសម្រស់ស្អាត ប៉ុន្តែពូកែរកលុយ គឺជាគោលដៅរបស់មនុស្សស្រីជាច្រើន ដូច្នេះវាពិបាកសម្រាប់ពួកគេក្នុងរក្សាភាពស្មោះត្រង់នឹងប្រពន្ធកូន។
៤. មនុស្សប្រុសដែលតែងនិយាយថា "ស៊ីនំឱ្យលុយ"
ក្នុងនាមជាភរិយារបស់បុរសប្រភេទនេះ ស្ត្រីត្រូវតែព្រមទទួលយកនូវគំនិតអាត្មានិយមរបស់ពួកគេ។ ជាពិសេស ពួកគេចាត់ទុកការផិតក្បត់ជារឿងធម្មតា ហើយប្រពន្ធរបស់ពួកគេ នឹងត្រូវទទួលយក នេះជាទម្លាប់របស់ពួកគេ។ មនុស្សស្រីគួរនៅឱ្យឆ្ងាយពីបុរសប្រភេទនេះ បើមិនចង់រងទុក្ខមួយជីវិត។
៥. មនុស្សប្រុសវក់នឹងល្បែងស៊ីសង សេពគ្រឿងស្រវឹង
បុរសដែលចូលចិត្តការផឹកស៊ី សប្បាយ ប្រព្រឹត្តល្បែងស៊ីសង ចៀសមិនផុតពីការល្បួងខាងក្រៅណាស់ ពេលអារម្មណ៍មិនល្អ ក៏ចេញក្រៅស៊ីផឹក ពេលអត់សប្បាយចិត្ត ច្បាស់ជាទប់ចិត្តមិនបានពេលត្រូវមិត្តភក្តិពង្វក់។ ទម្លាប់អាក្រក់នេះនឹងធ្វើឱ្យបុរសធ្វេសប្រហែសភ្លេចប្រពន្ធកូន ផ្លាស់ប្តូរចរិត លែងគិតគូរដល់គ្រួសារជាមិនខាន៕
ប្រភព ៖ បរទេស / Knongsrok
ព័ត៌មានថ្មីៗ
