របស់ ៧យ៉ាង ហាមទុកក្នុងផ្ទះ ប្រសិនជាមិនចង់សំណាងអាក្រក់
នៅក្នុងផ្ទះតែងតែមានរបស់របរជាច្រើនដែលរក្សាទុក តែយ៉ាងណាមិញ តាមជំនឿគេជឿថា មិនគួររក្សារបស់ ៧មុខនេះឡើយ ដែលអាចនាំមកនូវសំណាងអា្រកក់ដល់អ្នកនៅក្នុងផ្ទះបាន។
តោះ មកដឹងរបស់ទាំង ៧យ៉ាងនាំអពមង្គលទាំងនេះដែលមិនត្រូវទុកក្នុងផ្ទះ ៖
១. នាឡិកាងាប់
នាឡិកា តំណាងឱ្យវឌ្ឍនភាពនៃជីវិត វាជាការល្អដែលមានមួយនៅក្នុងផ្ទះបើវានៅតែដំណើរការបានល្អ ផ្ទុយទៅវិញបើនាឡិកាខូច ឬងាប់មិនអាចប្រើបានទៀតគួរតែយកវាចេញពីផ្ទះ។ ការរក្សារបស់ដែលឥតប្រយោជន៍ ឬមិនអាចប្រើបានវាក៏នាំឲ្យមានជីវិតជួបរឿងអាក្រក់ដែរ។ អ្នកអាចនឹងមានជីវិតមិនរីកចម្រើនទេ និងជួបឧសគ្គនៅក្នុងជីវិតផងដែរ ។
២. ប្រតិទិនហួសឆ្នាំ
ការរក្សាប្រតិទិនដែលផុតកំណត់នៅផ្ទះ មិនអាចប្រើបានទៀតទេ ហើយការដែលរក្សាទុកហើយត្រូវបានគេមើល ប្រៀបដូចជាការរំលឹករឿងចាស់ដដែលៗ ។ ដូច្នេះហើយនៅពេលហួសឆ្នាំ គួរតែប្តូរប្រតិទិនចេញថ្មី វាជាការប្រសើរក្នុងការចាកចេញពីរឿងចាស់ៗមិនល្អ នាំមកតែរឿងថ្មីដែលជាអនាគតល្អ។
៣. ទ្វារខូច ឬបាក់បែក
ប្រសិនបើផ្ទះមានទ្វារដែលខូច បែកបាក់ ឬមិនប្រើប្រាស់ តាមជំនឿគេឱ្យដកកូនសោទ្វារចេញ ហើយលាបពីលើដើម្បីកុំឱ្យមើលឃើញថាជាទ្វារ ព្រោះអាចនាំមកនូវសំណាងអាក្រក់ រាល់បញ្ហាមិនមានដំណោះស្រាយ ហើយរាល់កិច្ចការងារសុទ្ធតែមិនបានសម្រេច។ ជាពិសេសវាអាចនាំមកនូវសំណាងមិនល្អដល់អ្នកនៅក្នុងផ្ទះផងដែរ។
៤. របស់ដែលខូច ឬបែកបាក់
របស់របរដែលខូច ឬបែកបាក់ផ្សេងៗ មិនថាជាចានឆ្នាំង កញ្ចក់ប្រឡាក់ វត្ថុដែលមានស្នាមប្រេះផ្សេងៗ ត្រូវតែជួសជុល ឬបោះចោលតែម្តង បើមិនដូច្នេះទេវាអាចនាំមកនូវសំណាងអាក្រក់ ការខកចិត្ត ភាពអស់សង្ឃឹម និងមានបញ្ហាទៅលើការងារ ការសិក្សា ឬប្រាក់កាក់ជាដើម។ ប្រសិនជាមិនចង់ជួបនូវសំណាងមិនល្អនៅក្នុងផ្ទះត្រូវតែប្រមូលយករបស់បែកបាក់ទាំងនោះចេញពីផ្ទះឱ្យអស់។
៥. កញ្ចក់ខូច ឬបែក
ការរក្សាកញ្ចក់ដែលបែកបាក់ អាចនាំឱ្យមានការបែកបាក់គ្នាក្នុងគ្រូសារ និងអាចនាំជម្លោះក្នុងគ្រួសារធ្វើឱ្យបញ្ហាកាន់តែធំឡើងផងដែរ។បន្ថែមពីនោះវាអាចនាំមកនូវសំណាងអាក្រក់នៅក្នុងផ្ទះរបស់អ្នកទៀតផង។
៦. ស្បែកជើងដែលចាស់ ឬខូច
ការរក្សាស្បែកជើងដែលចាស់ ខូចពុកផុយ នៅក្នុងផ្ទហមិនមែនជារឿងល្អឡើយ គួរតែបោះវាចោលឱ្យអស់ទៅ។ ។ ប៉ុន្តែប្រសិនបើអ្នកនៅតែចង់រក្សាវាទុក អ្នកគួរតែជួសជុលវាឱ្យល្អស្អាត និងនៅក្នុងស្ថានភាពអាចប្រើប្រាស់បាន។ ការប្រើ ឬរក្សាទុកស្បែកជើងដែលខូច ឬរហែក មានជំនឿថាអ្នកមានដំណើរនៅនឹងកន្លែង មិនដើរទៅមុខ មិនរីកចម្រើន និងមិនមានភាពជោគជ័យនោះឡើយ ។
៧. ដើមឈើងាប់
ការធ្វើឱ្យដើមឈើ ឬរុក្ខជាតិ ងាប់ក្រៀមស្រពោន អាចធ្វើឱ្យជីវិតអ្នកនៅក្នុងផ្ទះក្រៀមស្វិតដូចគ្នា ។ ដូច្នេះគួរតែថែរក្សាដើមឈើ និងរុក្ខជាតិឱ្យល្អស្រោចទឹកថែរក្សាឱ្យបានស្អាត ជាពិសេសសម្រាប់អ្នកដែលទើបតែរៀបការថ្មីៗ។ ការដែលមានដើមឈើងាប់នឹងធ្វើឱ្យគូស្នេហ៍ធុញទ្រាន់នឹងគ្នា និងអាចបង្កជម្លោះផងដែរ ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
