បង្កើនសំណាង និងទ្រព្យសម្បត្តិ ដោយការធ្វើបុណ្យកុសល ៥យ៉ាងនេះ
អ្នកណាដែលមានរាសីមិនល្អ មិនសំណាងមិនល្អ និងមានបញ្ហាហិរញ្ញវត្ថុអាចកែខៃបញ្ហាដោយការធ្វើបុណ្យទានកុសលបាន។ អ្នកដែលចង់ឱ្យជីវិតផុតទុក្ខភ័យ និងដើម្បីបង្កើនសំណាង និងទ្រព្យសម្បត្តិ អាចធ្វើបុណ្យទាន ៥យ៉ាងខាងក្រោមនេះ ៖
១. ធ្វើបុណ្យដាក់បាត្រនឹងព្រះសង្ឃ
ប្រសិនបើអ្នកមានបញ្ហាបំណុល ជួបឧបសគ្គ ខ្វះសំណាង ឬចង់បង្កើនហិរញ្ញវត្ថុរបស់អ្នក អ្នកអាចប្រគេនជាចង្ហាន់ព្រះសង្ឃ។ បើមានធនធាន អាចទិញជាអង្ករប្រគេនរឹតតែប្រសើរ អាចដាក់ជាថង់ ឬប្រអប់ តែកុំដាក់ដោយផ្ទាល់លើចានបាយព្រោះវានឹងបង្កជាឧបសគ្គ។ វិធីសាស្ត្រនេះត្រូវបានគេជឿថាជាវិធីដើម្បីសងបំណុលកម្មផលបានយ៉ាងឆាប់រហ័ស។
២. សៀវភៅព្រះធម៌/សៀវភៅសិក្សា
ការបរិច្ចាគសៀវភៅធម៌ ឬសៀវភៅសិក្សា វាជាវិធីមួយទៀតដើម្បីទទួលបានលាភសំណាងក្នុងបញ្ហាហិរញ្ញវត្ថុ ព្រោះគេជឿថា ប្រៀបបាននឹងជួយផ្តល់ចំណេះដឹង ជាការបំភ្លឺភ្នែកឱ្យបានឃើញព្រះធម៌ ឬបង្កើនចំណេះដឹង ដើម្បីបន្តអាជីព និងបង្កើតប្រាក់ចំណូល ដើម្បីចិញ្ចឹមជីវិត និងប្រើជាប្រយោជន៍ផ្សេងៗ។ គុណធម៌ទាំងនេះនឹងជួយនាំសំណាងល្អដល់អ្នក ថែមទាំងជួយកើនទ្រព្យសម្បត្តិពីមួយថ្ងៃទៅមួយថ្ងៃផងដែរ។
៣. ដោះលែងជីវិតសត្វ
រំដោះជីវិតសត្វ ឬព្រលែងសត្វ ដែលហៀបនឹងត្រូវកាប់សម្លាប់ ដូចជាត្រីនៅមុខចង្រ្កាន គោក្របីដែលទៅទីសត្តឃាត ឬសត្វដទៃទៀត ធំ និងតូច គឺជាគុណសម្បត្តិដ៏រឹងមាំ ដែលជួយពង្រឹងសំណាងរបស់យើង ជាពិសេសផ្នែកហិរញ្ញវត្ថុគ្មានឧបសគ្គ ព្រោះការធ្វើទានបែបនេះប្រៀបដូចជាការផ្តល់ដង្ហើមជិវិតដល់សត្វដែលជិតស្លាប់។
៤. ការបរិច្ចាគឈាម
ការបរិច្ចាគឈាម ជាវិធីមួយទៀតក្នុងការធ្វើបុណ្យដែលមានគុណធម៌ធំ ព្រោះជាការជួយមនុស្សដែលខ្វះខាត និងត្រូវការជំនួយដល់មនុស្សដែលជិតស្លាប់។ ពេលប្រើឈាមដែលយើងបរិច្ចាក អាចមានឱកាសរស់យ៉ាងហោច 50:50 ។ល។ គុណធម៌នេះ នឹងជួយផ្លាស់ប្តូរជីវិតរបស់យើង ប្រសិនបើយើងជំពាក់បំណុលគេ ឬខ្វះខាតលុយ នឹងមានសំណាងល្អផ្នែកហិរញ្ញវត្ថុ ឬអ្នកដែលមានហិរញ្ញវត្ថុល្អរួចទៅហើយ វានឹងផ្តល់ផលល្អគុណនឹង ១០ ដង ១០០ ដង។
៥. បរិច្ចាគជួយអ្នកដែលត្រូវការជំនួយ
ការធ្វើបុណ្យដែលអាចធ្វើបានដោយងាយដោយអ្នករាល់គ្នាអាចធ្វើបាន គឺការបរិច្ចាគប្រាក់ជួយដល់អ្នកដែលខ្វះខាត មិនថាជាបុគ្គល មិនថាជាមន្ទីរពេទ្យដែលត្រូវការឧបករណ៍ពេទ្យ មន្ទីរថែទាំសម្រាប់មនុស្សចាស់/ជនពិការ/កុមារក្រីក្រ ដែលត្រូវការអង្ករ ទឹក អាហារដើម្បីរស់នៅ បើយើងបរិច្ចាគតាមកម្លាំងរបស់យើង មិនបាច់ច្រើនពេកទេ តែយើងត្រូវតែធ្វើដោយចិត្តបរិសុទ្ធ។ ទោះបីវាជាចំនួនតិចតួចក៏ដោយ ប៉ុន្តែអាចជួយដល់អាយុជីវិតអ្នកដទៃជាច្រើន។ ការធ្វើបុណ្យទានបែបនេះ វនឹងជួយឱ្យជីវិតរបស់យើងមានភាពរលូនល្អ គ្មានឧបសគ្គ មានទ្រព្យសម្បត្តិច្រើន និងមានលាភសំណាងច្រើន ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
