ទំនាក់ទំនងស្នេហាសព្វថ្ងៃ សឹងតែ១០០% សុទ្ធតែជួបបញ្ហាទាំងនេះ
ការស្វែងរកមនុស្សពិសេសមិនមែនជារឿងងាយស្រួលនោះទេ ប៉ុន្តែវារឹតតែតានតឹងសម្រាប់គូស្នេហ៍សម័យនេះ ដែលតែងតែជួបបញ្ហាមិនចេះចប់មិនចេះហើយ។ ខាងក្រោមនេះគឺសុទ្ធតែជាបញ្ហាដែលជាទូទៅកើតមានក្នុងទំនាក់ទំនងស្នេហាសព្វថ្ងៃនេះ៖
១.ការផ្ញើសារធ្វើឲ្យដៃគូរម្ខាងទៀតមានការភាន់ច្រឡំ
សម័យនេះយើងទទួលបានព័ត៌មានសំខាន់បំផុតតាមរយៈស្មាតហ្វូន។ ដោយមនុស្សអាចចំណាយពេលច្រើនក្នុងការព្យាយាមបកស្រាយពីចេតនារបស់គ្នាទៅវិញទៅមកដោយតាមទូរស័ព្ទ តែការផ្ញើសារបែបនេះអាចធ្វើឱ្យដៃគូរភាន់ច្រឡំពីអត្ថន័យពិត ឬ អ្វីដែលយើងចង់និយាយ។
២.ខ្លាចរើសដៃគូមិនត្រូវ
អំឡុងពេលមានស្នេហារួចទៅហើយ មនុស្សខ្លះនៅតែគិតថាខ្លាចខ្លួនរើសដៃគូខុស បើទោះបីជាបច្ចុប្បន្នខ្លួនមានដៃគូម្នាក់ដែលល្អគ្រប់គ្រាន់ក៏ដោយ។ ហើយធ្វើឱ្យពួកគេតែងតែសួរខ្លួនឯងថាតើបានធ្វើការជ្រើសរើសដៃគូជីវិតត្រឹមត្រូវហើយ ឬ នៅ ដែលជាហេតុធ្វើអោយពួកគេមិនប្រាកដចិត្ត និងតែងតែនាំបញ្ហាមកដាក់នៅក្នុងទំនាក់ទំនងស្នេហា។
៣.ការភ័យខ្លាចក្នុងការសម្រេចចិត្ត
គូស្នេហ៍សព្វថ្ងៃតែងតែអស់សង្ឃឹមពេលជួបបញ្ហាធំៗ ហើយសូម្បីតែនៅពេលធ្វើការសម្រេចចិត្តក៏ជាឧបសគ្គសម្រាប់ពួកគេដែរ រហូតដល់មានការខ្វែងគំនិត និងឈ្លោះគ្នាជាដើម។
៤.ការជ្រៀតជ្រែកដោយសាច់ញាតិ
បញ្ហាដែលគេតែងតែជួបប្រទះភាគច្រើនគឺកើតឡើងដោយសារតែមានការជ្រៀតជ្រែកពីសាច់ញាតិរបស់ពួកគេញឹកញាប់ពេក ដូច្នេះពួកគេងាយនឹងបាត់បង់ការសម្រេចចិត្តបែបឯកជនភាព។ ត្រូវចងចាំថា ឪពុកម្តាយ និងមិត្តភក្តិនឹងមិនដែលស្គាល់ដៃគូរបស់យើងច្បាស់ជាងខ្លួនយើងនោះទេ ដូច្នេះការសូមកុំព្យាយាមស្តាប់ពាក្យសម្តីពីពួកគាត់ច្រើនពេកនាំតែធ្វើឲ្យស្នេហាមានការរកាំរកូស។
៥.រំលឹកពីសង្សារចាស់
គ្មាននរណាម្នាក់ចង់ឮអំពីអតីតគូស្នេហ៍របស់ដៃគូខ្លួននោះទេ ក៏ប៉ុន្តែមានគូរស្នេហ៍ជាច្រើនដែលចូលចិត្តប្រៀបធៀបអ្នកថ្មីទៅនឹងអ្នកចាស់ ឬ រំលឹកពីកន្លែងដែលខ្លួនធ្លាប់ទៅជាមួយសង្សារចាស់។ ដូច្នេះចូលកែទម្លាប់អាក្រក់ទាំងនោះចេញ និងព្យាយាមកុំរំលឹកពីរឿងដែលកន្លងហួសទៀត។
៦.មិនជឿជាក់លើខ្លួនឯង
ក្រោយពីមានទំនាក់ទំនងស្នេហា មានមនុស្សមិនតិចនោះទេ ដែលយល់ថាខ្លួនមិនទាន់ល្អឥតខ្ចោះចំពោះដៃគូរបស់ខ្លួន ដែលជាហេតុនាំអោយមានការបាក់ទឹកចិត្ត មិនសប្បាយចិត្ត និងខ្វះទំនុកចិត្តនៅក្នុងរឿងស្នេហា៕
ប្រភព ៖ បរទេស
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
