មិនដែលដឹង! គ្រាន់តែផឹកទឹក ៤ ប្រភេទនេះរាល់ព្រឹក ផ្ដល់អត្ថប្រយោជន៍មហាសាលដល់ស្បែក
ខាងក្រោមនេះ ជាប្រភេទទឹកចំនួន ៤ យ៉ាង ដែលមានឥទ្ធិពលខ្លាំង ជំនួយដល់ស្បែក ដូចជា បំបាត់ស្នាមជ្រីវជ្រួញ បំបាត់មុន បំបាត់ស្រ្តេស ស្នាមអុចខ្មៅ ជាពិសេសធ្វើឲ្យសម្រស់ក្មេងជាងវ័យ។ ហេតុដូច្នោះ ប្រសិនបើមិត្តៗនារីទាំងឡាយដែលបានជួបបញ្ហាប្រឈមដូចករណីខាងលើ គួរអនុវត្តឲ្យបានខ្ជាប់ខ្ជួន៖
ផឹកទឹកក្តៅឧណ្ឌៗ
ការទទួលទានទឹកក្តៅឧណ្ហៗ នឹងជួយអ្នកគ្រប់គ្រងកោសិកាស្បែក បង្កើនភាពយឺតនៃស្បែក និងកាត់បន្ថយផលប៉ះពាល់នៃរ៉ាឌីកាល់សេរីដែលបង្កគ្រោះថ្នាក់ ធ្វើឲ្យស្បែកដែលងាយខូចកាន់តែរលោងស្អាត។ ទទួលទានទឹកក្តៅមួយកែវនៅពេលព្រឹកក៏ជួយឱ្យសរីរាង្គនានាក្នុងរាងកាយដំណើរការយ៉ាងមានប្រសិទ្ធភាព បង្កើនល្បឿនការរំលាយអាហារនៃជាតិខ្លាញ់ដែលលើស និងជួយឱ្យការសម្រកទម្ងន់កាន់តែប្រសើរឡើង។
មួយវិញទៀត អ្នកជំនាញក៏បានណែនាំថា យកល្អគួរតែជ្រើសរើសទឹកឆ្អិន ហើយនៅតែក្តៅក្នុងសីតុណ្ហភាព ២០-២៥ អង្សាសេដោយសារ នៅពេលទឹកនៅសីតុណ្ហភាពនេះអាចរក្សាធាតុមានប្រយោជន៍ដល់សុខភាព ងាយស្រូបជ្រាបចូលទៅក្នុងភ្នាសកោសិកា និងជំរុញការរំលាយអាហារថ្មី ពង្រឹងភាពស៊ាំរបស់រាងកាយ។
ផឹកទឹកខ្ញីក្តៅឧណ្ឌៗ
ការទទួលទានទឹកខ្ញីក្តៅៗជា "យិនស៊ិន" ដ៏សំខាន់មួយប្រភេទ ដែលអាចនាំមកនូវអត្ថប្រយោជន៍មិននឹកស្មានដល់រាងកាយ។ ខ្ញីគឺជាអាហារប្រឆាំងនឹងការរលាក និងដើរតួជាសារធាតុប្រឆាំងអុកស៊ីតកម្មដ៏ល្អ ជួយផ្តល់ជាតិទឹក និងចិញ្ចឹមស្បែកឱ្យប្រែជារលោង បំបាត់ភាពចាស់ ក៏ដូចជាស្នាមជ្រួញ។
មិនត្រឹមតែប៉ុណ្ណោះ ភេសជ្ជៈនេះក៏ត្រូវបានគេចាត់ទុកជាអាហារជំនួយទម្ងន់យ៉ាងមានប្រសិទ្ធភាព ព្រោះពួកគេជួយកែលម្អការរំលាយអាហារ និងតុល្យភាពក្នុងប្រព័ន្ធរំលាយអាហារ។ ជាពិសេសខ្ញីមានប្រសិទ្ធភាពខ្ពស់ក្នុងការព្យាបាលជំងឺដែលទាក់ទងដូចជា ឈឺក្រពះ និងហើមពោះ និងមានសារធាតុទប់ស្កាត់ចំណង់អាហារជាច្រើន ជួយស្ត្រីមិនមានអារម្មណ៍ឃ្លាន ផងដែរ។
ផឹកទឹកឃ្មុំរមៀត
ការសិក្សាបានបង្ហាញថា រមៀតមានសារធាតុប្រឆាំងអុកស៊ីតកម្ម ជួយធ្វើឱ្យស្បែកស្រស់ថ្លា ពន្យាភាពចាស់នៃស្បែក និងចិញ្ចឹមស្បែកឱ្យមានសុខភាពល្អ ពណ៌ផ្កាឈូក និងភ្លឺរលោង។ រិតតែសំខាន់ នៅពេលដែលយកម្សៅរមៀតផ្សំជាមួយទឹកឃ្មុំគឺជាភ្នាក់ងារដ៏អស្ចារ្យមួយ អាចប្រឆាំងនឹងការរលាក និងប្រឆាំងនឹងបាក់តេរី ធ្វើឲ្យបាត់មុនស្នាម និងចំណុចខ្មៅនៅលើស្បែក។
លើសពីនេះ ការផឹករមៀត និងទឹកឃ្មុំក៏ជួយដល់ការរំលាយអាហារ កាត់បន្ថយរោគសញ្ញាហើមពោះ រំលាយអាហារ និងកំណត់បរិមាណកូឡេស្តេរ៉ុលដែលប្រមូលផ្តុំក្នុងរាងកាយ ជួយឱ្យមានអារម្មណ៍ឆ្អែតបានយូរ កាត់បន្ថយចំណង់អាហារ បង្កើនទម្ងន់របស់ស្ត្រី។
ទឹកឃ្មុំក្រូចឆ្មា
ការសម្រកទម្ងន់ដោយការទទួលទានទឹកក្រូចឆ្មាជាវិធីដ៏សាមញ្ញ មានតម្លៃថោកទទួលបានប្រសិទ្ធភាពខ្ពស់។ ទឹកឃ្មុំក្រូចឆ្មាមានកាឡូរីតិចណាស់ ដូច្នោះ ការផឹកទឹកទឹកឃ្មុំក្តៅមួយកែវជារៀងរាល់ព្រឹក នឹងជួយអ្នកឱ្យជៀសផុតពីភាពតប់ប្រមល់ កាត់បន្ថយតម្រូវការផឹកភេសជ្ជៈកាបូនដែលមានជាតិស្ករច្រើន។
ដើម្បីសម្រកទម្ងន់ឱ្យកាន់តែមានប្រសិទ្ធភាព ការបន្តផឹកទឹកក្រូចឆ្មាមួយកែវមុនពេលអាហារពេលព្រឹក និងល្ងាចជារៀងរាល់ថ្ងៃនឹងជួយឱ្យអ្នកស្រកទម្ងន់បានយ៉ាងមានប្រសិទ្ធភាពទៀតផង៕
ប្រភព៖ បរទេស
ព័ត៌មានថ្មីៗ
