ផលកម្មទាំង ៣ នឹងកើតមានចំពោះមនុស្សដែលក្បត់ដៃគូ
មនុស្សដែលក្បត់ផិត មានចិត្តមិនស្មោះត្រង់ចំពោះដៃគូ នឹងទទួលបានផលកម្មព្រោះតែទង្វើរបស់ខ្លួន។ យ៉ាងណាមិញ លទ្ធផលនៃមនុស្សក្បត់ដៃគូ នឹងទទួលនូវផលទាំង ៣ នេះដោយឃើញជាក់ស្ដែង។
១. ធម្មជាតិនៃការផិតក្បត់
ពេលស្ត្រីធ្លាក់ក្នុងស្ថានភាពដែលត្រូវប្តីក្បត់ចិត្តទៅមានស្រីខាងក្រៅ នាងនឹងត្រូវរងទុក្ខវេទនាខ្លាំងណាស់ ហើយគិតតែរកដំណោះស្រាយដែលល្អបំផុត។ ប៉ុន្តែមនុស្សស្រីធ្លាប់ឆ្ងល់ទេថា ហេតុអ្វីបានជាបុរសក្បត់អ្នកបែបហ្នឹង?
២. ហេតុផលដែលបុរសចង់បោក
ហេតុផលដំបូងដែលអាចត្រូវបានគេមើលឃើញ គឺធម្មជាតិរបស់បុរស។ បុរសសម័យមុនមានប្រពន្ធច្រើន ស្រីច្រើន មានមួយមិនគ្រប់មានដប់មិនគ្រាន់។ មិនត្រឹមតែប៉ុណ្ណោះ អ្នកបង្កើតក៏បានផ្តល់ឱ្យពួកគេនូវបុគ្គលិកលក្ខណៈដែលចូលចិត្តនូវអ្វីដែលថ្មី ចូលចិត្តអារម្មណ៍ប្លែកៗជាមួយនឹងអ្នកថ្មី ប៉ុន្តែក៏ចូលចិត្តប្រថុយប្រថានលួចលាក់មុខក្រោយផងដែរ។ សម្រាប់បុរស ពួកគេចាត់ទុកការផិតក្បត់ជាល្បែងកម្សាន្ត ពួកគេសុខចិត្តប្រថុយគ្រប់យ៉ាង។ មូលហេតុទីពីរគឺព្រោះតម្រូវការផ្លូវភេទ។ មនុស្សប្រុសមិនដូចមនុស្សស្រីទេ មនុស្សស្រីស្រលាញ់ព្រោះគេនៅមានអារម្មណ៍ មនុស្សប្រុសគ្រាន់តែស្រលាញ់គ្រាដ៏ស្រើបស្រាកតែប៉ុណ្ណោះ។
ទីបី នេះអាចត្រូវបានគេមើលឃើញថាជាទង្វើដែលក្មេងខ្ចី និងកំសាកបំផុត។ វាជារឿងមួយសម្រាប់ពួកគេ នេះជាពេលដែលបុរសស្តីបន្ទោសប្រពន្ធរបស់ខ្លួនទើបចេញទៅមានស្រីខាងក្រៅ។ មូលហេតុទីបួន គឺនៅពេលដែលការជឿជាក់លើខ្លួនឯងរបស់បុរសមិនត្រូវបានបញ្ជាក់ដោយប្រពន្ធរបស់គាត់។ នៅពេលនេះបុរសនឹងចង់ចេញទៅក្រៅស្វែងរកស្ត្រីផ្សេងទៀតដែលអាចគោរពពួកគេ។
៣. ផលកម្មទាំង ៣ ដែលក្បត់ដៃគូ
- បាត់បង់ បែកបាក់គ្រួសារ
ពេលបុរសប្រព្រឹត្តអំពើផិតក្បត់ គាត់ប្រាកដជាបាត់បង់គ្រួសារ។ គ្មានប្រពន្ធណាអាចទ្រាំទ្រនឹងការឃើញប្តីមានសម្ព័ន្ធភាពខាងក្រៅ ហើយនៅតែមានភាពសប្បាយរីករាយ រស់នៅជួបជុំធម្មតានោះឡើយ។
- បណ្តាសានៃភាពឯកកោ
បុគ្គលដែលក្បត់ដៃគូនឹងត្រូវរស់នៅឯកោក្នុងវ័យចាស់។ គ្មាននារីណាចង់នៅជាមួយជនក្បត់ឡើយ។
- បាត់បង់តម្លៃ គ្មានអ្នកណាគោរ
អំពើផិតក្បត់គឺអាក្រក់ខ្លាំងណាស់ វាប្រៀបដូចជាស្នាមប្រឡាក់ ហើយមិនអាចលើកលែងទោសបានឡើយ។ ប្រសិនបើបុរសសម្រេចចិត្តក្បត់ដៃគូហើយ នោះពួកគេនឹងបាត់បង់ការគោរពពីប្រពន្ធ កូន មិត្តភក្តិ និងអ្នកស្គាល់គ្នា។ នៅពេលដែលអ្នកបាត់បង់ការទុកចិត្តពីអ្នកជុំវិញខ្លួនហើយ គ្មានអ្នកណាចង់ចាប់ផ្ដើមទំនាក់ទំនងស្នេហាជាមួយមនុស្សប្រុសបែបនេះនោះឡើយ៕
ព័ត៌មានថ្មីៗ
