ដំបូន្មានស្នេហាល្អៗទាំង ១០ ក្រោយពីឈ្លោះគ្នា ជួយឱ្យអ្នករឹតចំណងស្នេហាដូចដើមវិញ

• 2024-04-10
• Share

ការមិនចុះសម្រុងគ្នាច្រើនតែនាំឱ្យមានការឈ្លោះប្រកែកគ្នាក្នុងចំណោមជីវិតគូ។ តើមានវិធីណាដែលមិនឱ្យគូស្នេហ៍ប្រកែកគ្នាទាល់តែសោះនោះ? ប្រហែលជាគ្មានទេ។ គូស្វាម៉ីភរិយាទាំងអស់មានការឈ្លោះប្រកែកគ្នា ប៉ុន្តែបើយោងតាមកេហទំព័រ Bright Side បានផ្តល់ឱ្យអ្នកនូវដំបូន្មានចំនួន ១០ ផ្នែកអំពីរបៀបនៃការផ្សំផ្គុំក្តីស្នេហានៃជីវិតរបស់អ្នកបន្ទាប់ពីការឈ្លោះគ្នា - ទោះបីជាអ្នកមានបញ្ហាមិនល្អក៏ដោយ។

1. រាប់ពី១ដល់១០

វាអាចជាដំណើរទៅរកភាពធ្ងន់ធ្ងរ! នៅពេលដែលអ្នកបានលឺរឿងអ្វីដែលអ្នកមិនចូលចិត្ត ឬមិនយល់ស្របចូរដកដង្ហើមវែងៗហើយរាប់ពី ១ ដល់ ១០។ អ្នកក៏មិនចង់ធ្វើឱ្យដៃគូរបស់អ្នកមានការឈឺចាប់ភ្លាមៗដែរ មិនអញ្ចឹងមែនទេ!

2. ជ្រើសយកសញ្ញា "ឈប់" ជាពិសេសគឺសម្រាប់អ្នកទាំងពីរ

នៅពេលដែលការមិនចុះសម្រុងជាមួយដៃគូរបស់អ្នក ហើយឈានដល់ចំនុចបញ្ចប់ វាជាការសំខាន់ណាស់ដែលត្រូវបញ្ឈប់រាល់ការឈ្លោះគ្នាដោយប្រើសញ្ញាសំងាត់ដែលអ្នកទាំងពីរបានព្រមព្រៀង។ វាអាចជាកាយវិការ​ ឬពាក្យកំប្លែងឧទាហរណ៍។ វាដូចជាអ្នកកំពុងផ្ញើសារទៅដៃគូរបស់អ្នកដែលអ្នកជិតឈានដល់កម្រិតនៃការអត់ធ្មត់របស់អ្នក។

3. កុំចង់ឈ្នះចាញ់ជាមួយដៃគូ

វាមិនមែនជាអ្វីដែលអ្នកចង់បានទេមែនទេ? អ្នកមិនចាំបាច់ត្រឹមត្រូវជានិច្ចទេ។ នៅក្នុងការឈ្លោះប្រកែកជាមួយមនុស្សជាទីស្រឡាញ់របស់អ្នកមិនមានអ្វីដែលត្រូវឬខុសនោះទេ។ ទោះបីជាអ្នកមានអារម្មណ៍ខ្លាំងអំពីអ្វីមួយកំឡុងពេលឈ្លោះប្រកែកគ្នាក៏ដោយវានឹងមិនមានសារៈសំខាន់នៅពេលនោះទេ។ សាកល្បងវាអ្នកនឹងសម្គាល់ឃើញភាពខុសគ្នា។

4. បញ្ហាខ្លះមិនសមនឹងឱ្យមានកើតជាជម្លោះ

វាជារឿងធម្មតាទេដែលពេលខ្លះមានគំនិតខុសគ្នា ជាពិសេសនៅពេលយើងធ្លាប់រស់នៅក្នុងមជ្ឈដ្ឋានផ្សេងគ្នា។ ប៉ុន្តែមានបញ្ហាដែលមិនសមនឹងការឈ្លោះគ្នា  ហើយក្នុងរយៈពេលយូរៗទៅពួកគេនឹងបង្កភាពតានតឹង និងការអាក់អន់ចិត្ត។ ជ្រើសរើសដំណោះស្រាយដោយឈ្លាសវៃដែលបុព្វហេតុណាមួយសមនឹងពេលវេលារបស់អ្នកហើយកត្តាណាដែលមិនសមនឹងអ្នក។

5. អនុញ្ញាតឱ្យដៃគូរបស់អ្នកឱបអ្នក

នៅពេលមានការយល់ច្រឡំ ឬមិនចុះសម្រុងនឹងគ្នា រឿងចុងក្រោយដែលអ្នកចង់ធ្វើគឺត្រូវមានទំនាក់ទំនងរាងកាយជាមួយមនុស្សជាទីស្រឡាញ់ដែលឈរនៅពីមុខអ្នក។ ទោះយ៉ាងណាក៏ដោយទំនាក់ទំនងនៃភាសាកាយវិការណាមួយរំលឹកអ្នកថា អ្នកស្រឡាញ់ម្នាក់នេះហើយចង់នៅជាមួយគ្នា។

កុំខ្លាចក្នុងការសុំមនុស្សដែលយើងស្រឡាញ់ឱប ហើយយល់ព្រមចេញពីចិត្តគ្រប់គ្រាន់ដើម្បីផ្តល់ឱ្យគ្នា។ វាអាចជួយជៀសវាងការឈ្លោះគ្នាកាន់តែធ្ងន់ធ្ងរ។

6. ធ្វើរឿងខ្លះដើម្បីដៃគូដែលគាត់គិតថាមិនអាចទៅរួច

សូមប្រឈមមុខ! យើងមានទំនោរបកស្រាយអ្វីគ្រប់យ៉ាងដែលដៃគូរបស់យើងធ្វើ ឬនិយាយទាក់ទងនឹងអតីតកាល ហើយនិយាយដោយស្មោះត្រង់ ជាញឹកញាប់ជាមួយនឹងន័យអវិជ្ជមាន។ ប្រសិនបើគាត់មិនធ្វើម្ហូបទេគឺមកពីគាត់មិនដែលជួយអ្នកនៅក្នុងផ្ទះបាយ។

ប្រសិនបើគាត់ភ្លេចឱកាសពិសេសវាមកពីគាត់មិនដែលយកចិត្តទុកដាក់ពីទំនាក់ទំនងរបស់អ្នកខ្លាំង។ ធ្វើរឿង "ដែលមិនអាចទៅរួច" នេះ: ព្យាយាមយល់ពីមូលហេតុដែលគាត់មានអារម្មណ៍បែបនេះ ហើយព្យាយាមបង្វែរអ្វីៗ។ នេះនឹងផ្លាស់ប្តូរលក្ខណៈទាំងមូលនៃអន្តរកម្មរបស់អ្នកទាំងពីរ។

7. វានឹងមិនអីទេគ្រាន់តែចូលទៅគេងទាំងមានអារម្មណ៍ខឹង

ទោះបីជាយើងគិតយ៉ាងណាក៏ដោយអ្នកជំនាញបញ្ជាក់ថាវាមិនចាំបាច់ទេក្នុងការព្រមព្រៀងគ្នានៅថ្ងៃដែលអ្នកមានការឈ្លោះគ្នា។ ចំណាយពេលរបស់អ្នកសម្រាកឱ្យបានគ្រប់គ្រាន់ហើយព្យាយាមក្រោកពីព្រលឹមនៅថ្ងៃបន្ទាប់។ កុំបារម្ភ៖ គ្មានអ្វីអាក្រក់នឹងកើតឡើងចំពោះទំនាក់ទំនងរបស់អ្នកនៅពេលយប់ឡើយ។

8. និយាយរឿងកំប្លែងៗ

តោះនិយាយលេងកំប្លែង! វាជាវិធីដ៏ល្អដើម្បីបំបែកភាពតានតឹង។ កុំព្យាយាមធ្វើឱ្យដៃគូមិនសប្បាយចិត្ត - គ្រាន់តែកាយវិការស្លូតត្រង់ ផ្អែមល្ហែម ឬពាក្យដែលគួរឱ្យអស់សំណើចតែងតែអាចជួយអ្នក។

9. ស្គាល់ពីទីតាំងខ្លួនឯង

ជាធម្មតាមានមនុស្សពីរនាក់ និងនៅក្នុងទីតាំងពីរក្នុងការប្រឈមមុខដាក់គ្នា។ នៅពេលអ្នកដកដង្ហើមវែងៗរយៈពេល ១០ វិនាទីគិតអំពីអ្វីដែលធ្វើឱ្យអ្នកមានអារម្មណ៍ខឹង និងបណ្តាលឱ្យមិនស្រួលក្នុងចិត្ត។ កុំខ្លាចក្នុងការទទួលខុសត្រូវ!

10. ផ្តល់កម្រិតនៃភាពរីករាយ

បរិយាកាសជុំវិញអ្នកនិងដៃគូមានឥទ្ធិពលផ្ទាល់លើទំនាក់ទំនងរបស់អ្នក។ បរិយាកាសអវិជ្ជមានអាចបង្វែរការខ្វែងគំនិតគ្នាទៅជាការជម្លោះធំ។ ប្រសិនបើអ្នកឃ្លានឬកន្លែងនោះពោរពេញទៅដោយមនុស្សរំខាន ដែលធ្វើឱ្យពិបាកក្នុងការនិយាយបាននោះភាពតានតឹងនឹងកើនឡើង។

ព្យាយាមគិតពីកម្រិតនៃការសប្បាយដែលអាចមានសម្រាប់អ្នកទាំងពីរ ដូចជាញ៉ាំភេសជ្ជៈមានរសជាតិឈ្ងុយឆ្ងាញ់ជាមួយគ្នា។ វិធីនេះអ្នកទាំងពីរដឹងថាវាមិនមែនជាពេលវេលាដ៏ត្រឹមត្រូវដើម្បីឈ្លោះគ្នាទេ: ដល់ពេលត្រូវញ៉ាំអាហារពេលល្ងាច និងដល់ពេលសម្រាក៕

ប្រែសម្រួល៖ វីរៈ