ម៉ាឡេស៊ីត្រៀមខ្លួនប្រើ VAR មកជំនួយដល់អាជ្ញាកណ្ដាលដែលមិនសូវមានគុណភាពក្នុងលីគរបស់ខ្លួន
សមាគមកីឡាបាល់ទាត់ម៉ាឡេស៊ី (FAM) បានត្រៀមខ្លួនរួចជាស្រេចក្នុងការពិចារណាលើការប្រើប្រាស់ប្រព័ន្ធវីដេអូជំនួយការអាជ្ញាកណ្តាល (VAR) ក្នុងការប្រកួតប្រជែងលីគកំពូលម៉ាឡេស៊ី ដើម្បីបង្កើនគុណភាពបន្ថែពីលើអាជ្ញាកណ្តាល។
យោងតាមរបាយការណ៍ពីកាសែត New Straits Times ប្រធានគណៈកម្មាធិការវិនិច្ឆ័យ FAM លោក Datuk S. Sivasundaram បាននិយាយថាភាគីរបស់លោកកំពុងរង់ចាំរបាយការណ៍ស្តីពីការប្រើប្រាស់ VAR ពីប្រទេសជិតខាង (ថៃនិងវៀតណាម) ។
“ វាល្អ (ដើម្បីអាចប្រើ VAR) ប៉ុន្តែយើងត្រូវធ្វើការស្រាវជ្រាវជាមុនសិន។ នឹងមានការប្រជុំដើម្បីជួបអ្នកប្រឹក្សាយោបល់។ នេះទាក់ទងនឹងការចំណាយលុយច្រើន ហើយខ្ញុំមិនអាចប្រាប់អ្នកថាពេលណាយើងអាចប្រើ VAR បានទេ"។
"អ្វីដែលសំខាន់បំផុតនោះគឺយើងសិក្សាអ្វីៗគ្រប់យ៉ាងជាមុនសិន។ យើងនឹងពិភាក្សាបញ្ហានេះនៅក្នុងកិច្ចប្រជុំនៅពេលក្រោយ” ។
ភាពខ្វះខាតរបស់អាជ្ញាកណ្តាលក្នុងលីគកំពូលម៉ាឡេស៊ីនាពេលថ្មីៗនេះក៏ទទួលបានការចាប់អារម្មណ៍ពីសំណាក់ម្ចាស់ក្លិប JDT ព្រះអង្គម្ចាស់Tunku Ismail Sultan Ibrahim។តាមរយៈបណ្តាញទំនាក់ទំនងសង្គម Instagram Story របស់ខ្លួន TMJ បានជំរុញឱ្យអ្នករៀបចំការប្រកួតលីកលីគបាល់ទាត់ម៉ាឡេស៊ី (MFL) និង FAM ពិចារណាពិចារណាលើការប្រើប្រាស់ VAR ដើម្បីបង្កើនគុណភាពបន្ថែមលើអាជ្ញាកណ្តាលកាត់ក្ដី។
តម្លៃនៃការតំឡើង VAR នៅក្នុងកីឡដ្ឋានមួយត្រូវបានគេប៉ាន់ប្រមាណថាមានតម្លៃ ៦១៦,៧១០ រីងហ្គីត ហើយត្រូវការថវិកា ៧,៤ លានរីងហ្គីត ប្រសិនបើត្រូវតំឡើងនៅក្នុងកីឡដ្ឋានរបស់ក្រុមលេង Super League ទាំង ១២ ។ លើសពីនេះទៀតអាជ្ញាកណ្តាលក្នុងស្រុកចាំបាច់ត្រូវបានបញ្ជូនទៅឆ្លងកាត់វគ្គសិក្សាបន្ថែម ដើម្បីរៀនពីរបៀបដោះស្រាយ VAR ដើម្បីកុំអោយមានបញ្ហាកើតឡើង។
លីគកំពូលថៃធ្លាប់បានបញ្ឈប់ការប្រើប្រាស់ប្រព័ន្ធ VAR កាលពីអំឡុងខែមករាឆ្នាំ ២០១៨ បន្ទាប់ពីជួបប្រទះបញ្ហាជាច្រើនជាពិសេសកង្វះជំនាញរបស់មន្ត្រីប្រកួត ក៏ដូចជាទទួលបានពាក្យបណ្តឹងជាច្រើនពីក្លឹបដែលលេង។ នៅពេលនោះសហព័ន្ធកីឡាបាល់ទាត់ថៃ (FAT) ក៏បានផ្តល់ជូនដល់ក្លឹបដែលចាប់អារម្មណ៍ប្រើប្រាស់ប្រព័ន្ធ VAR អាចទាក់ទងពួកគេបាន ហើយ FAT នឹងបញ្ជូនតំណាងរបស់ក្រុមដែលដំណើរការប្រព័ន្ធ VAR ទៅកាន់កីឡដ្ឋាន។
ទោះជាយ៉ាងណាក៏ដោយក្លឹបត្រូវបង់ថ្លៃនៃការប្រើប្រាស់ប្រព័ន្ធជំនួយការអាជ្ញាកណ្ដាលនេះចាប់ពី ៣៩៤រីងហ្គិតដល់ ៣៥៣១ រីងហ្គីត៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
