មេផ្ទះ ៩០ ភាគរយមិនធ្លាប់ដឹង នេះក្បាច់ពិសេសប្រើកូកាសម្អាតខ្ទះខ្លោច ឆ្នាំងខ្លោចបានងាយ
នៅក្នុងផ្ទះបាយមានរបស់របរជាច្រើនដែលកខ្វក់ ហើយទាមទារការសម្អាតជាប្រចាំ។ ជាពិសេសគ្រឿងឆ្នាំងខ្ទះ បើយើងហ៊ានតែទុកចោលយូរ វានឹងកកខ្លាញ់ ឬកកជាតិខ្លោចជាប់ ធ្វើឲ្យពិបាកសម្អាត និងពេលខ្លះសម្អាតមិនជ្រះក៏មាន។
យ៉ាងណាក្នុងអត្ថបទនេះ Knongsrok ណែនាំវិធីពិសេស ២ ដែលយើងអាចប្រើប្រាស់ភេសជ្ជៈ កូកាកូឡាមកសម្អាតនូវរបស់មួយចំនួនក្នុងផ្ទះបាយ ដែលពិបាកនឹងសម្អាតបាន៖
១) សម្អាតខ្ទះឆ្នាំងដែលជាប់កំណកខ្លោចដោយកូកា
ជាការពិតកូកាកូឡាក៏មានជាតិអាស៊ីតនៅក្នុងនោះដែរ ហើយវាអាចសម្អាតបានយ៉ាងល្អ ដោយមិនទាមទារឲ្យយើងប្រើកម្លាំងខ្លាំងក្នុងការដុះច្រែះខ្លាំងនោះឡើយ។ អ្នកគ្រាន់តែចាក់ទឹកកូកាកូឡាចូលទៅក្នុងឆ្នាំងឬខ្ទះ ហើយត្រាំវាចោលប្រហែល ១ ម៉ោង បន្ទាប់មកយកទឹកមកលាងសម្អាត រួចដុះថ្នមៗលើផ្ទៃដែលបានខ្លោចនោះ អ្នកនឹងឃើញលទ្ធផល។
បើចង់ឃើញលទ្ធផលលឿន អ្នកអាចចាក់កូកាចូល រួចយកឆ្នាំងទៅដុត ហើយមិនត្រឹមតែឆ្នាំងប៉ុណ្ណោះទេ តាមពិតឲ្យតែរបស់មានធ្វើពីស្ពាន់ ដែលប្រឡាក់ខ្លាំងគឺអ្នកអាចប្រើប្រាស់វិធីសាមញ្ញនេះបាន។
២) សម្អាតជាតិខ្លាញ់ចេញពីសំលៀកបំពាក់
ស្រ្តីមេផ្ទះភាគច្រើនដែលចម្អិនអាហារក្នុងផ្ទះបាយ គឺងាយនឹងជាប់ជាតិខ្លាញ់មកលើក្រណាត់អាវលឿនបំផុត។ ដើម្បីសម្អាតវាឲ្យបានជ្រះល្អ អ្នកអាចយកកូនក្រណាត់តូចមួយមកលាយជាមួយទឹកកូកាកូឡាហើយយកវាមកជូតលើកន្លែងដែលប្រឡាក់ជាតិខ្លាញ់ នោះអ្នកនឹងឃើញលទ្ធផល។
មួយផ្សេងទៀតអ្នកក៏អាចចាក់កូឡាកូឡាទៅក្នុងម៉ាស៊ីនបោកសំលៀកបំពាក់ ជំនួសដោយការប្រើប្រាស់សាប៊ូ ហើយក្រឡុកវា ក្រោយមកសឹមយកវាមកសម្អាតជាមួយសាប៊ូយើងធម្មតាជាការស្រេច៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
