ស៊ូនៅក្បែរមនុស្សប្រុសសាមញ្ញ តែមានអារម្មណ៍ថាអស្ចារ្យ ក៏ប្រសេីរជាងនៅក្បែរមនុស្សប្រុសអស្ចារ្យ តែមានអារម្មណ៍ថាយេីងមិនដល់គេ
មនុស្សស្រីណា សុខចិត្តធ្វេីជាព្រះនាងរបស់ប្តីអ្នកក្រ ក៏មិនទៅធ្វេីជាខ្ញុំកំដររបស់ប្តីអ្នកមានដែរ និយាយបែបនេះមិនមែនបានន័យថា មនុស្សប្រុសដែលមានទ្រព្យសម្បត្តិសុទ្ធសឹងតែទុកមនុស្សស្រីជាទាសករទាំងអស់នោះឡើយ ហេីយក៏មិនមែនបានន័យថា មនុស្សស្រីប៉ងប្រាថ្នាតែមនុស្សប្រុសដែលមិនសូវមានជីវភាពធូរធារជាគូជីវិតនោះដែរ។
ខ្ញុំចង់បានន័យថា ស្នេហារបស់ខ្ញុំមិនបានផ្តោតសំខាន់ទៅទ្រព្យសម្បត្តិក្រៅខ្លួនទេ តែខ្ញុំឱ្យតម្លៃទៅលេីភាពស្មោះត្រង់ច្រេីនជាង ការដែលខ្ញុំយល់ព្រមស្រឡាញ់នរណាម្នាក់ ខ្ញុំមេីលទៅចរិត ក្តីស្រឡាញ់ និង ភាពស្មោះត្រង់របស់គេដែលមានឱ្យខ្ញុំ។ មនុស្សស្រីដូចជាពួកខ្ញុំ មិនត្រេកត្រអាលនឹងលុយកាក់មាសប្រាក់របស់អ្នកណាទេ ខ្ញុំមានសមត្ថអាចរកប្រាក់ចិញ្ចឹមខ្លួនឯងបាន ដោយមិនចាំបាច់ត្រូវទៅសម្លឹងរកមនុស្សប្រុសមានទ្រព្យច្រេីនដេីម្បីឱ្យខ្ញុំពឹងផ្អែកទៅលេីលុយកាក់មាសប្រាក់របស់គេដេីម្បីរស់នោះឡេីយ។
សម្រាប់ខ្ញុំ គូជីវិតមានឬក្រមិនសំខាន់ទេ អ្វីដែលសំខាន់ នៅត្រង់ថា តេីគេអាចមានសមត្ថភាពមេីលថែមនុស្សស្រីម្នាក់ដែលគេស្រឡាញ់ឱ្យមានក្ដីសុខ សុភមង្គល មានស្នាមញញឹមច្រេីនជាងការសម្រក់ទឹកភ្នែកដែរឬទេ?
លុយកាក់ មាសប្រាក់ ទ្រព្យសម្បត្តិ ជារបស់ក្រៅខ្លួនដែលពួកយេីងអាចបង្កេីតវាជាមួយគ្នាបាន សំខាន់ឱ្យតែមានគំនិតចេះគិតគូរ ព្រោះថាមនុស្សស្រីក៏មិនត្រូវការមនុស្សប្រុសដែលទន់ខ្សោយ គ្មានគោលដៅច្បាស់លាស់មករួមដំណេីរជីវិតនោះដែរ ខ្ញុំស៊ូនៅក្បែរមនុស្សប្រុសសាមញ្ញ តែមានអារម្មណ៍ថាអស្ចារ្យ ក៏ប្រសេីរជាងនៅក្បែរមនុស្សប្រុសអស្ចារ្យ តែមានអារម្មណ៍ថាយេីងមិនដល់គេ គេមិនដែលធ្វើឱ្យយើងមានអារម្មណ៍ថា យើងសំខាន់សម្រាប់គេ មិនដែលបារម្ភ មិនដែលយកចិត្តទុកដាក់ចំពោះយើងសូម្បីតែបន្តិច៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
