ស្រឡាញ់ឱ្យដឹងស្រឡាញ់ កុំចេះតែយកមនុស្សខ្លួនស្រឡាញ់ ទៅប្រៀបជាមួយនឹងអ្នកដទៃ
វាគ្មានហេតុផលអី ដែលត្រូវយកមនុស្សខ្លួនឯងស្រឡាញ់ ទៅប្រៀបនឹងអ្នកដទៃនោះឡើយ ហើយក៏វាមិនគប្បីដែរ ព្រោះមនុស្សយើងវាមិនដូចគ្នាទេ គេជាគេ យើងជាយើង ខុសទាំងចំណូលចិត្ត ខុសទាំងស្ថានភាព និយាយទៅ គឺមនុស្សខុសគ្នា។
មិនថាមនុស្សស្រី ឬមនុស្សប្រុសទេ គឺមានមួយចំនួន ចូលចិត្តយកមនុស្សខ្លួនឯងស្រឡាញ់ ទៅប្រៀបជាមួយអ្នកនេះ ឬអ្នកនោះ ហើយក៏នឹកមិនអស់ចិត្ត តាំងមកអង្គុយកើតទុក្ខមិនសុខចិត្ត ព្រោះមនុស្សខ្លួនឯងស្រឡាញ់មិនដូចអ្នកដទៃ។
មនុស្សស្រីខ្លះ មកខឹងរករឿងដៃគូខ្លួនឯង ព្រោះតែមិនចេះស្វិត មិនចេះ Surprise មិនចេះផ្អែមល្ហែម មិនពូកែយកចិត្ត ដូចគូគេ បើចង់បានដូចគេណាស់ ក៏ទៅយកគេទៅ មិនបាច់ឱ្យដូចទេ គឺម្នាក់ហ្នឹងតែម្ដង។
មនុស្សយើងមិនដូចគ្នាទេ កុំចេះតែទាមទារឱ្យដៃគូខ្លួនឯងធ្វើដូចគេ មនុស្សមានចិត្តគំនិតផ្សេងគ្នា មានចំណង់ចំណូលចិត្តខុសគ្នា រៀនទទួលយកភាពពិតប្រាកដនៃដៃគូយើងទើបជាការល្អ បើគិតតែចង់ឱ្យមនុស្សដូចគ្នា ប្រហែលច្រឡំគ្នាស្លាប់ហើយ៕
អត្ថបទ ៖ ភី អេច
ក្នុងស្រុករក្សាសិទ្ធ
ព័ត៌មានថ្មីៗ
